 |
青蛙雙週記是青蛙仔在澳洲一份每兩星期出版一次的報章--澳洲訊報的一個專欄,為了讓澳洲地區以外的朋友可以看到青蛙雙週記,
現特此將該專欄已出版的文章再一次放在此, 讓大家可以知道青蛙仔在青蛙日記以外,
究竟還可以有什麼寫出來呢? 答案可在此中尋!
|
30.01.2004 No.170
08.01.2004 (Thu) 晴
09.01.2004 (Fri) 晴
11.01.2004 (Sun) 晴
13.01.2004 (Tue) 晴, 寒冷警告
19.01.2004 (Mon) 雨，寒冷警告，年廿八
最近內地有好多新聞都係講及不良手法加工食物, 頭髮可以製成豉油、豬的淋巴可以做香腸、米粉又會漂白、臘肉又係用唔知咩死豬、海參
又加上工業用化學品, 連水餃都係用爛肉爛菜, 甚至員工一邊搓水餃皮一邊食煙, 真係恐怖到無倫, 呢種喪心病狂的人, 可以為了利益而唔
理其他人死活, 真係令中國人蒙羞, 外國人睇到除左會吃驚之外, 一定會覺得中國呢處地方唔要得, 青蛙仔身為中國人都覺得有無攪錯, 真
係會食死人架喎, 偏遠的落後地方根本資訊唔多, 受害人根本中了毒都唔知咩事, 實在令人惋惜與無奈, 捉到呢種害人精之後, 應該吊起來
示眾, 以儆效尤!
22.01.2004 (Thu) 晴，寒冷警告，大年初一
24.01.2004 (Sat) 陽光普照，寒冷警告，初三赤口
16.01.2004 No.169
今期係OH一週在2004年第一次同大家見面, 青蛙仔在此祝各位朋友新年進步, 身體健康, 事事如意! 雖然新一年已到, 但2003年仍有值得令人談論的話題, 有令人開心, 亦有令人傷感的, 就由這一日開始說起吧.....
30.12.2003 (Tue) 雖晴卻陰
晚上看新聞片, 知道今朝凌晨時份, 她的好朋友都陪伴她走完最後一程, 青蛙仔驚歎她的人緣這樣好, 相信圈中與她不妥的人不會多, 連一些平時不願出鏡的隱居藝人也一同站出來開記招, 在天有靈的她也應該覺得人生如此, 死而無憾吧? 據聞香港雖然沒有安樂死, 但也有令人死前安詳的藥物, 當病人或病人家屬決定了一切之後, 就可以以某種藥物幫病人減輕痛苦, 吊藥的時間有快有慢, 通常在一兩小時內病人仍然清醒並無痛楚, 因此可以有足夠時間召集一眾親朋好友來送行, 待減輕痛楚的藥物吊完之後, 病人就剛好會安詳上路, 大家亦不會看到病人痛苦, 相信大姐大亦如大哥所說, 去得很安詳美麗, 這是大家都想的!
雖然青蛙仔並非她的超級fans, 但由她的參賽歌曲【風的季節】開始, 一直都欣賞她的演出, 加上她早期的唱片都會翻唱【山口百惠】的歌, 更加令青蛙仔對她的歌著迷, 一舉手一投足都是巨星風範, 可以說二十年來都沒有再出到一位這樣全面的藝人, 她的離去實在是香港人一大損失, 昨晚青蛙仔還提過了2003的十大新聞, 想不到, 她到離去還是以巨星姿態擠身十大了, 她的歌永遠會縈繞大家的心間, 梅艷芳小姐, 青蛙仔向你致敬, 願你安息, 永享快樂!
01.01.2004 (Thu) 晴
04.01.2004 (Sun) 晴
05.01.2004 (Mon) 晴
07.01.2004 (Wed) 晴
19.12.2003 No.168
30.11.2003 (Sun) 陽光普照, 開始寒冷
02.12.2003 (Tue) 陽光普照
05.12.2003 (Fri) 晴, 稍暖
06.12.2003 (Sat) 晴, 暖
09.12.2003 (Tue) 陰
10.12.2003 (Wed) 晴
11.12.2003 (Thu) 晴
05.12.2003 No.167
17.11.2003 (Mon) 陰雨
澳洲的所謂鱷魚專家來了香港幾日，初時來到就牙斬斬，講到自己幾巴閉，幾乎係易過拈刺，但經過一次又一次的失敗，出盡法寶都捉唔到
條小鱷，鱷魚先生就開始賴地硬，諸多藉口，面對傳媒亦無當初咁意氣風發，好在今次係有機構請佢來，政府係唔需要付錢，佢來幾多日使
幾多錢都唔關納稅人事，不過如果再捉唔到的話，間機構都無癮啦，肯定好快就要換人, 到時內地的專家可能行運醫生醫病尾, 來個冷手執
個熱煎堆, 好快攪掂都唔定呢!
18.11.2003 (Tue) 陰
呢兩日的年宵攤位競投戰況仍然激烈, 雖然無以往咁高價, 但維園正門入口的快餐攤位, 仍然可以以35萬的高價被往年的投標者再度投得,
做幾日生意, 可以咁有信心拎咁多錢出來, 無理由拎35萬出來賺一二十萬掛, 你話利潤高得幾緊要, 不過話時話, 青蛙仔去行年宵, 真係從
來都無幫襯過呢個檔口, 祗係知道幾時都係咁多人擁住來買野, 而且價錢又唔係平, 寧願忍住, 行完先出去飲野好過!
23.11.2003 (Sun) 晴, 區議會選舉
24.11.2003 (Mon) 晴
25.11.2003 (Tue) 晴，國際素食日
此外，今日亦係中國著名作家巴金先生的百歲壽辰日，不過近年來，巴金先生的身體狀況頗差，要長期臥床療養，報載佢甚至要插喉幫助呼
吸，非常痛苦，因此巴金先生曾多次提出想安樂死，並強調【長壽是一種懲罰】，某程度上，青蛙仔都幾同意，如果長壽得來連活動能力的
健康都無的話，真係無意思，但係礙於人道問題，唔係咁多地方接受安樂死，痛苦的活死人就要繼續痛苦，連屬於自己的生命都唔可以由自
己決定，確實係幾可悲！
27.11.2003 (Thu) 晴
21.11.2003 No.166
02.11.2003 (Sun) 煙霞
食過早餐之後就睇番尋晚錄低樂壇大姐大的特輯, 因為開演唱會在即, 無辦法唔宣傳, 就算剛做完化療無幾耐都要撐住做節目, 個節目真係
睇得令人心酸, 要個病人出來強顏歡笑, 接受其他人的支持, 真係係佢先做得到, 女中豪傑當之無愧, 其實個節目都幾好睇, 除左Do Do姐係
要將安仔同阿四拉埋來講, 令氣氛尷尬到要剪輯過之外, 其他的嘉賓都表現得好好, 幾位唱大姐大名曲的歌星都好落力同認真, 出加地, 青
蛙仔最喜歡小春所唱的似是故人來, 音樂編排較為現代, 可聽性頗高, 話唔定下隻碟真係會收錄都唔定, 仲有幾日就開show, 青蛙仔在此祝
福大姐大可以身體健康, 雖然佢已經係老前輩, 但仍然會有好多人默默支持緊佢的!
之後再睇埋尋日在大球場舉行幾萬人的楊利偉先生歡迎會, 楊先生的風采無可匹敵, 全場歡呼, 場面感動, 他的親切亦令青蛙仔佩服, 當準
備離場之時, 在坐車繞場一周之時, 突然跳車撲向觀眾, 與他們近距離接觸並且握手, 嚇了保安一跳, 於是急急將佢請回車上, 但己經可以
令唔少人畢生難忘了, 其實今次來港的幾日行程, 航天團的團長胡世祥先生各大家聲稱, 楊先生返回地球之後, 第一站就到訪香港, 有賴董
特首第一時間向中央申請, 呢啖頭啖湯確實令香港人欣喜, 董伯伯亦打破了一向後知後覺的習慣, 贏了漂亮一杖, 不過青蛙仔真係好唔明多
事之徒, 完全唔欣賞呢份人情, 反而覺得團長祗係幫手【挺董】, 希望港人加董伯伯分, 用呢種心態猜度人地, 真係唔要得, 做人何必要咁
辛苦呢?
04.11.2003 (Tue) 晴
太空人楊利偉先生與香港學生真情對話, 青蛙仔覺得都幾好笑, 唔知幾位學生係點樣揀出來, 到底有無經過嚴格挑選又或者是否品學兼優先
可以脫穎而出呢? 因為佢地問問題實在太緊張, 而且都係強裝字正腔圓, 其一實一間學校有咁多學生, 真係唔信搵唔到表現更好的人出來,
不期然令青蛙仔想起好多歌唱比賽, 勝出的都未必係唱得最好的, 最緊要都係有後台有人捧, 唔知揀出來問問題的又會唔會係咁呢?
09.11.2003 (Sun) 晴, 漸轉涼
12.11.2003 (Wed) 晴, 涼, 國父壽辰
電視新聞報導日本仔又有新發明, 手指竟然可以當手提電話的聽筒, 祗要將手表形的電話戴在手腕上, 將食指放入耳孔, 電話通過指骨再傳
入耳骨, 就可以聽到聲音, 頗為新奇, 不過青蛙仔覺得呢個發明好玩就好玩, 但就唔多實際, 因為大家都試過聽手提電話之時, 一雙手都好
唔得閒, 會用膊頭夾住來講, 而且講得耐又會轉下手, 如果一定要用手指插入耳孔, 即係話隻手一定唔可以有空閒, 又唔可以轉手, 根本就
唔實際, 況且長年累月篤篤下, 耳窿會唔會有事架?
14.11.2003 (Fri) 晴
06.11.2003 No.165
18.10.2003 (Sat) 繼續清爽
23.10.2003 (Thu) 晴
24.10.2003 (Fri) 晴
26.10.2003 (Sun) 陽光燦爛的秋日
27.10.2003 (Mon) 晴
29.10.2003 (Wed) 晴
31.10.2003 (Fri) 晴朗，萬聖節
中國太空人終於到港了, 電視新聞片上見到楊利偉先生精神奕奕, 面上帶著親切笑容, 無論經過任何地方都受到香港市民的熱烈歡迎, 楊先
生亦盡量與群眾接近並且握手, 場面都幾令人感動, 因為無論任何一位偶像都唔會比得上呢位人民英雄, 所以可以講得上每一位市民都一心
一意的歡迎佢, 鋒頭完全蓋過了任何人, 相信人民英雄的心中都覺得自己此生無憾了, 不過青蛙仔就覺得雖然楊先生得了很多很多, 但日後
將會失去了自由, 成名始終都要付出代價, 好似佢來香港幾日, 行程緊密, 但就絕對無自由行來香港的內地遊客咁自由, 佢唔可以去品嚐香
港地道美食, 又唔可以隨便購物, 連海洋公園都話無時間去, 來香港祗係為了國家同香港, 完全唔係為自己, 都唔會有太大樂趣, 就算有隻
純金的神舟五號又如何?
全港市民換領智能身份證已經展開了一段時間, 第一階段即係1968及1969年出生人士換領截止會在十一月十五日, 但入境處的統計指出, 現
時仲有十一萬人未去換證, 如果個個都等最尾幾日先去換的話, 可能會消化唔來, 香港人就係咁, 總係有一班行船爭解纜, 慌死蝕底的, 一
早就會攪掂, 但亦會有一班懶懶閒, 唔到最尾一刻都唔會出手, 亦都有另一班後知後覺, 無論宣傳有幾大, 有幾多人講都好, 佢地都係唔知
有呢回事, 再過多一個星期之後, 真係好驚D人會逼爆全港九的智能身份證中心, 到時就有戲睇了!
24.10.2003 No.164
01.10.2003 (Wed) 陽光普照, 國慶日
打開份報紙一睇, 呢兩日有唔少新措施係廣大市民需要注意的, 今日開始會調低長者及殘疾人士的綜援金6%, 百零蚊對於一般通人來講祗係
食餐飯, 睇場戲咁簡單, 但靠此生活的長者, 可能真係唔止食少一餐咁簡單, 其實如果認真調查呃綜援的人, 然後停止發放俾佢地, 慳出來
的錢都可能唔使扣班長者都未定, 點解唔試下做呢樣野呢?徵收外傭稅確實令政府收入多了, 青蛙仔唔會請得起工人, 所以都無特別意見, 祗係覺得近年已經少了人請菲傭, 寧願請印傭, 貪佢地純品一點, 亦有些懂廣東話, 容易溝通, 長此下去過多十年八載, 菲律賓的境況真係.....巴之閉的公屋住戶贏了勝利一杖, 由今日起可以登記狗隻入埋戶籍, 祗要唔騷擾其他人, 狗隻就可以養至終老, 青蛙仔覺得兩面都幫唔落, 明明有合約條文規定唔俾養狗, 偷偷犯規不特止, 被揭發仲聲大夾惡要全港市民支持, 青蛙仔真係睬佢地都傻, 房署自打咀巴亦唔抵幫, 紙紮老虎真係嚇鬼先得, 無眼睇佢地!最開心都係由今日起一年內, 幾間巴士公司都開始作出減價, 祗要用八達通付超過十元車費, 就會有九五至九折優惠, 青蛙仔住得遠, 以後坐車來回可以慳幾蚊, 都算唔錯了!
02.10.2003 (Thu) 晴
06.10.2003 (Mon) 晴朗
10.10.2003 (Fri) 晴, 晚上有大雨
13.10.2003 (Mon) 間中有大雨
16.10.2003 (Thu) 天清氣爽
17.10.2003 (Fri) 晴、爽
10.10.2003 No.163
18.09.2003 (Thu) 晴
尋晚睇電視劇講及女暴發戶，無論任何人、事、物都會信賴名牌，皆因佢使得起，對名牌紅酒的由來知得一清二楚，但卻飲唔出五千蚊一支
同二萬蚊一支的紅酒有咩分別，雖然係咁，並唔覺得佢乞人憎，因為真係幾坦白，其實現實生活中真係有唔少呢類人，自己唔識分辨事物的
好壞與錯對，祗係人講就盲目跟隨，但又唔夠坦白，無料又想人信佢係識貨者，其實就連百事同可口可樂都唔識分，問多點知多點，勇於探
求真相的人方會值得人欣賞！
19.09.2003 (Fri) 晴
20.09.2003 (Sat) 日間陽光普照, 晚上行雷閃電
21.09.2003 (Sun) 晴, 間中有雨
22.09.2003 (Mon) 秋風送爽, 間中有雨
23.09.2003 (Tue) 晴
27.09.2003 (Sat) 陽光燦爛
28.09.2003 (Sun) 陽光普照
26.09.2003 No.162
11.09.2003 (Thu) 賞月
12.09.2003 (Fri) 晴
唔知大家有無聽聞外國生產了一種即棄DVD電影, 由打開包裝開始, DVD一同空氣接觸就會自動慢慢變質, 48小時之後, DVD就唔可以再播放
了, 其實呢種產品係為了環保而生產, 抑或係祗可獨食唔俾人傳閱分享, 睇完就算, 又或者有其他原因呢? 到底會唔會流行呢? 因為買得DVD
就梗係想收藏套電影, 如果祗係一次過, 不如去電影院睇算了, 同埋會唔會買了的人反而想保留套戲而加以複製呢? 可能後生仔都會貪新鮮
買一次, 睇下佢係唔係真係48小時就玩完, 之後, 仲會唔會買呢?
13.09.2003 (Sat) 晴
其實今朝大家心情唔好, 可能都與一位小朋友有關, 因為佢入到來之後, 一直喊得好淒厲, 父母都攪佢唔掂, 但又唔帶佢離開大堂, 令大家
都非常不安, 有時做父母的又真係對子女無符, 如果佢未識講野又喊到好緊要, 根本唔會知佢有咩唔妥, 百般逗弄都唔會攪得佢掂, 呢個時
候, 青蛙仔又會諗起【債】呢樣野, 父母生仔女根本就好似還債咁, 由細到大, 眠乾睡濕, 無一樣唔係要無條件付出的, 諗住他朝佢會報答
你? no way啦, 又還又借? 你就想了, 想討債就等下世啦!
15.09.2003 (Mon) 整日都落雨
16.09.2003 (Tue) 大雨, 間中晴
17.09.2003 (Wed) 先雨後晴
12.09.2003 No.161
23.08.2003 (Sat) 日間晴, 一號風球
24.08.2003 (Sun) 三號風球, 風大雨大
講開廣告, 唔知大家有無發覺, 最近同時有兩款唔同的啤酒搵藝人來宣傳, 紅色同綠色兩隻啤酒都好似會幫歌星攪小型演唱會, 青蛙仔總係
覺得唔係太好, 其實以往祗有汽水商先會攪呢類節目, 但啤酒除左攪樂隊比賽及話劇比賽之外, 就似乎搵歌手宣傳係第一次, 青蛙仔覺得年
輕偶像歌手替汽水賣廣告當然無問題, 但替啤酒賣廣告, 最直接係會影響到一班年輕人, 本來佢地唔飲酒的, 都可能因為自己偶像而要飲酒,
雖然飲啤酒都唔係大不了的事, 但當中一定有唔少係未成年的歌迷, 佢地未必知錯對,偶像歌手搵錢之餘, 有無考慮到呢一點呢? 唔接呢個廣
告, 係唔係就無野做呢?
26.08.2003 (Tue) 終於好天了
28.08.2003 (Thu) 陽光燦爛
30.08.2003 (Sat) 好好天
01.09.2003 (Mon) 酷熱警告, 開學喇, 就快打風了
今日係大部份學生開學的日子, 青蛙仔例牌都會祝大家學業進步, 希望大家俾心機讀書, 爭取更好的成績, 做人豈能盡如人意, 祗要盡力做
好, 無愧我心就無問題了!
娛樂版報導前晚兒歌頒獎, 【阿嬌】因病而唔知自己做緊乜, 所以宣佈大獎拋波環節就心不在焉云云, 但以青蛙仔所見, 當晚就算佢真係唔
舒服, 都並無渾渾鈍鈍喎, 因為明明見住佢兩姊妹傾到雞啄唔斷, 所以司儀叫佢地拋波都聽唔到, 更加係贏左都唔知(當然係一早知啦), 到
要唱得獎歌先如夢初醒, 根本唔似係報紙報導的情況, 睇來方向報都幾關照佢地!
05.09.2003 (Fri) 驟雨中的陽光
29.08.2003 No.160
10.08.2003 (Sun) 晴
11.08.2003 (Mon) 晴, 盂蘭節
14.08.2003 (Thu) 晴, 間中有大雨
17.08.2003 (Sun) 晴, 間中有雨
19.08.2003 (Tue) 間中有大雨
20.08.2003 (Wed) 間中有大雨
22.08.2003 (Fri) 間中有雨，雷暴警告
15.08.2003 No.159
27.07.2003 (Sun) 陽光普照
尋晚無睇新聞, 朝早睇報紙先知原來尋晚董伯伯在球場俾人噓, 估唔到而家睇波都咁政治化, 唔知第一個發出噓聲的到底係咩人, 董伯伯同
佢有咩十冤九仇, 而其他人會唔會係見人噓佢又噓呢? 其實身為香港人 當住外人噓自己地方的特首, 自己會好高興咩? 祗有令外國人更加睇
唔起香港人吧? 真係好幼稚, 跟風去噓人的人, 仲可憐!
29.07.2003 (Tue) 陽光充沛
30.07.2003 (Wed) 陽光燦爛的出糧日
01.08.2003 (Fri) 晴朗
05.08.2003 (Tue) 晴
06.08.2003 (Wed) 有雷雨
07.08.2003 (Thu) 晴
08.08.2003 (Fri) 晴, 間中有雨
01.08.2003 No.158
12.07.2003 (Sat) 陽光普照
14.07.2003 (Mon) 又係陽光燦爛
返到公司都幾攪笑, 有中層拎野入收銀間房, 因為兩隻手都拎住野, 於是青蛙仔就幫佢手按密碼開門, 一打門隻門, 二人都嚇一跳, 祗見一
白衣人高高掛在天花, 原來係收銀的同事怕冷氣太凍, 自己擒高將出氣口封住, 今日佢著了件連身裙, 加上佢身材都幾高, 再踩埋上個細櫃,
晨早流流咁樣見到真係幾大吉利是, 好話唔好聽, 如果真係發生事, 都唔知開唔開檔好了!
16.07.2003 (Wed) 陽光普照
17.07.2003 (Thu) 陽光普照
20.07.2003 (Sun) 一號風球, 間中有雨
21.07.2003 (Mon) 一號風球
22.07.2003 (Tue) 悶熱, 又作打風
放工返屋企, 發覺一向封住一層膠的所有按掣, 包括對講機, 大堂入口的門, 電梯等等, 通通都起了皮, 即係話回復了沙士前的環境, 青蛙
仔即時諗, 咁以後仲會唔會消毒呢? 以前高峰期就一小時消毒一次, 解除疫區之後就三小時一次, 而家就連層皮都起埋, 唔知以後環境清潔
仲會唔會keep住做呢? 大家居住的地方, 仲有無層膠呢?
24.07.2003 (Thu) 八號->三號->風球除下
18.07.2003 No.157
30.06.2003 (Mon) 陽光普照
02.07.2003 (Wed) 陽光普照
03.07.2003 (Thu) 陽光普照, 酷熱警告
04.07.2003 (Fri) 陽光普照，酷熱警告
07.07.2003 (Mon) 陽光普照，間中有雲, 七七盧溝橋事件66周年記念日
10.07.2003 (Thu) 陽光普照
11.07.2003 (Fri) 陽光普照, 間中有雨
睇開新聞, 亦有留意到議員舉起不文手勢的花邊, 幾間電視台雖然打了格仔在佢隻【凸手】, 但仍然遭到投訴與警告, 而議員就一向都好似
醉貓咁, 出到來見咁大場面, 回敬一個【禮】俾群眾似乎確係失了身份, 除左飲醉都真係無咩好解釋了, 而青蛙仔就覺得靜坐的人群可以表
達自己的心聲, 但來勢兇兇, 好似喊打喊殺咁, 仲要擲螢光棒, 如果當昤有人落車, 會唔會俾人溶左呢? 呢班人簡直係害群之馬, 口喊民主,
其實就係惡霸一樣, 都唔知咩人帶領佢地出來, 而佢地做出呢d行為亦無人出來講聲唔好意思, 青蛙仔真係越來越討厭佢地!
04.07.2003 No.156
15.06.2003 (Sun) 陰雨, 父親節
返到屋企睇新聞, 又有一位因沙士而死亡, 但又係零感染, 都幾值得鼓舞, 希望每日都有好多人出院, 無人感染, 無人死亡, 大家過一個開
開心心的暑假吧!
16.06.2003 (Mon) 陰
17.06.2003 (Tue) 晴
好幾日無見有咁好的太陽了, 今日似乎係好日, 陽光普照, 疫症又係雙零記錄, 連恆指都衝破一萬點, 雖然失業率仲係高企, 但逐步逐步向
好都算係幾好消息, 希望香港人經過今次事件之後, 真係可以發奮圖強, 互相扶持, 邁向新一天, 唔該唔好無野搵野來攪, 唱衰香港, 取笑
特首與高官都係無幫助的行為, 仲有, 咩七一大遊行, 唔該唔好預青蛙仔, 青蛙仔會在當日開開心心玩番日, 咪阻頭阻勢, 攪到交通混亂呀!
18.06.2003 (Wed) 晴，炎熱
20.06.2003 (Fri) 早上雷暴告, 下午陽光普照
22.06.2003 (Sun) 間中有雨
24.06.2003 (Tue) 晴, 炎熱
27.06.2003 (Fri) 晴，出糧日
今日並非要設論壇在討論呢件事, 青蛙仔的個人意見祗係覺得上街遊行的人, 可能祗係湊熱鬧, 又或者人地講佢就驚埋一份, 雖然知道事在必行, 但仍作最後努力, 唔講第日無機會講咁, 青蛙仔覺得, 確實係會有些人係有憂慮, 因為佢地的情況比一般人特別, 佢地係好想表達自己的意見, 但唔應該從多方面的途徑去叫人(青蛙仔唔敢用煽動呢兩個字)出來一齊遊行, 因為青蛙仔睇唔到一些升斗市民無啦啦又驚咩野, 驚第日會變成大陸咁? 又如何? 驚會變共產咩? 又如何? 會咩? 其實香港就係太民主, 所以樣樣野都有人出來無理的反對, 投訴, 示威, 遊行, 向執法者挑戰, 試佢地底線, 變得太多呢類呃飯食的人, 不知情的人就會被騙, 其實係唔係應該整頓一下呢班人先呢? 連丟垃圾被人捉都可以惡人先告狀, 逃跑甚至毆打執法人員, 肆無忌彈在非吸煙區吸煙, 呢種害蟲仲恐怖過廿三條多多聲, 如果有人發起要上街遊行滅絕佢地的話, 青蛙仔就會身體力行出來支持, 其他無意義的事, 都係留番食飽飯無野做的人去做喇, 唔好意思!
20.06.2003 No.155
28.05.2003 (Wed) 晴
體育新聞報導網球好手張德培的失敗, 青蛙仔覺得佢都幾慘, 由十七歲出道贏了世界冠軍之後, 十多年來除了得到名利之外, 可以講得話失
去了所有, 青春與自由都在這十多年來絕緣, 今日見佢唇上有少許鬍子與及一臉蒼桑, 不禁有點感觸, 路是自己選擇的嗎? 子非魚, 焉知魚
的樂與不樂, 旁人可以了解嗎?
31.05.2003 (Sat) 晴, 世界不吸煙日
兩老買報紙回來, 兩份大報的港聞頭條都條【鬍鬚林】做【阿姐】演唱會嘉賓時唔小心跌了落台受傷, 青蛙仔見到當然好緊張地閱讀內文,
相信佢暫時都無性命危險, 不幸中之大幸, 心裡講了一聲【該死唔使病】, 因為報導話呢個演唱會唔係因為SARS改期的話, 【鬍鬚林】就在
外地趕唔切返來做嘉賓, 所以一個人有劫的話就點避都避唔來, 生死有命, 好似唔到自己控制, 但另一方面自己又諗, 其實如果有綵排的話,
無理由唔知個台會有咁大個窿, 否則要跌都係【阿姐】跌先啦, 可能因為係表演嘉賓, 唱的歌又係自己熟悉的, 所以無安排踩台都唔奇, 無
不過無論如何, 青蛙仔都唔想佢有事, 希望佢可以早日康復啦!
06.06.2003 (Fri) 晴，間中有雨
09.06.2003 (Mon) 陰雨
11.06.2003 (Wed) 黃色暴雨
13.06.2003 (Fri) 陰雨，黑色星期五
06.06.2003 No.154
14.05.2003 (Wed) 陽光普照
15.05.2003 (Thu) 晴，熱
17.05.2003 (Sat) 晴，熱
21.05.2003 (Wed) 晴
22.05.2003 (Thu) 晴
青蛙仔覺得諷刺人的人先要用個腦去諗諗，其實呢件事做得對與否，自己在家埋頭左貼右拼之時，自己有無為非典型事件出過一分力呢？如
果自己都係無做過野，隨口隨手人云亦云，不如諗一些有意義的事去做啦，青蛙仔咁講完全唔係自命清高，而係再睇深一層，總係覺得董太
一次又一次出來幫社會做點有意義的事，一定會有人啄住唔放，無論佢做得幾好都一樣有人玩佢打擊佢，但佢仍然都無退縮，反而令青蛙仔
好欣賞，而且越來越睇唔起個班諷刺佢的人，大家應該知道董太都成六十歲人啦，出來服務社會你唔欣賞唔緊要，但都唔使次次都有惡作劇
掛，呢種直頭係蝦阿婆的行為，討厭過董太做的事多多聲啦，今日講呢段野唔一定要別人認同，亦唔係要幫佢洗冤，自己有時亦未必欣賞董
太的言行，但當跟風話人之時，可否先想一想件事的對與否，盲目被人利用同牽住鼻走，會唔會有點可憐呢？
24.05.2003 (Sat) 晴, 間中有大雨
26.05.2003 (Mon) 晴
23.05.2003 No.153
03.05.2003 (Sat) 落大雨的悶人星期六
05.05.2003 (Mon) 早上紅雨、雷暴、山泥傾瀉警告
最近電影市道低落，雖然有【無間道】系列在事先張揚，準備一次過推出兩部片花, 但遠水救唔到近火，戲院同食店一樣，無好戲無好野食
就唔會有客，所謂【五窮六絕七翻身】，五月的考試月真係唔慌會有好戲睇，但近期對兩部電影都幾有興趣，可以的話，都幾想睇，一部係
【和你在一起】，另一部係【給他們一個機會】，同樣地兩部都同音樂有關，青蛙仔唔識玩樂器，但都喜歡欣賞音樂，【和你在一起】可能
會較文藝，或者節奏會慢，而【給他們一個機會】就比較時代感，而邱禮濤係一個多產兼多元化的導演，近期青蛙仔都大讚佢部【等候董建
華發落】拍得好好，青蛙仔都幾鍾意睇新人的青色演技，而且套戲有唔少串星, 雖然呢種擺明係VCD片, 上演唔使幾耐就會出VCD, 但青蛙仔
仍願意去戲院睇!
06.05.2003 (Tue) 陽光普照
07.05.2003 (Wed) 陽光普照, 間中有雨
11.05.2003 (Sun) 晴, 母親節
12.05.2003 (Mon) 晴
13.05.2003 (Tue) 晴
09.05.2003 No.152
19.04.2003 (Sat) 晴
20.04.2003 (Sun) 陽光普照
22.04.2003 (Tue) 晴
23.04.2003 (Wed) 陽光普照
27.04.2003 (Sun) 晴
30.04.2003 (Wed) 晴
02.05.2003 (Fri) 晴
25.04.2003 No.151
03.04.2003 (Thu) 濕且暖
04.04.2003 (Fri) 間中有雨, 降溫, 大風
07.04.2003 (Mon) 陰
至於其他, 青蛙仔感覺係藉前線醫護人員來搏掌聲, 成晚左除老薑修哥可以帶出高潮之外, 真係唔知有咩好講, 連星爺都完全低調得無光無
采, 都唔知攪乜鬼, 到最後一部份, 立立亂得唔似係三色台的製作, 求其搵發哥同校長出來齋up, 簡直太浪費, 最後無厘頭地叫黑人出來唱
漫步人生路, 都唔知邊個出的主意, 【哥哥】的離開, 唔係攪到大會的陣腳咁亂掛?
08.04.2003 (Tue) 晚上大雷雨
09.04.2003 (Wed) 陰
11.04.2003 (Fri) 晴
16.04.2003 (Wed) 溫暖，晴
11.04.2003 No.150
21.03.2003 (Fri) 晴
24.03.2003 (Mon) 陰
收銀的同事今朝要見牙醫，因此青蛙仔又要做替工，無意中發覺同事用玻璃樽養住的植物，水裡好似有物在移動，細看之下，原來係條魚仔，相信係用來避免水裡有蚊滋生，但青蛙仔覺得都幾殘忍，個樽祗係大過汽水罐少少，棵植物有唔少根在水裡，所以條魚的空間真係好少，雖然魚係冷血動物，而且【子非魚又豈知魚之苦與樂】，不過青蛙仔望住條魚不停地向前游，都祗係在狹窄的空間重覆又重覆，忽然有點不安，覺得自己在【傻老虎】(shroff)的空間都係同條魚差唔多，就算放了工又如何？自由的定義係點？有邊個可以好肯定的同人講，自己係個自由人呢？
25.03.2003 (Tue) 晴
26.03.2003 (Wed) 晴
致各無良的奸商：青蛙仔知道閣下都祗係為左籌錢醫病先會將口罩的價錢提高到一百蚊一個，所以有咁多善長人翁排隊都要去幫襯你，希望你收到錢之後可以盡快醫好你腐爛的心肝及生蟲的腦袋，先福永享、壽與天齊！
28.03.2003 (Fri) 晴
01.04.2003 (Tue) 晴, 溫暖, 愚人節
28.03.2003 No.149
11.03.2003 (Tue) 晴
12.03.2003 (Wed) 晴
13.03.2003 (Thu) 晴
16.03.2002 (Sun) 陽光燦爛
真係好快, 三月又過左一半, 真係好驚四月的來臨, 忽然想起阿姐首【熱咖啡】, 裡面有一句【光陰匆匆, 可否走得慢些】, 尤其係半世都
一事無成的人, 真係想自己有多點時間去做點事出來!
17.03.2002 (Mon) 再度陽光普照, 月圓之夜
最近浸大學生會有一調查都幾有趣，結果顯示男女學生都竟然一致認為拍拖消費應由男方支付，其實到底而家係唔係男女平等架? 講起錢就
要由男方支付, 真係幾唔公平喎, 青蛙仔曾經有個女朋友, 都係呢種心態, 佢同朋輩出街就會爭俾錢, 但同青蛙仔出街佢就會覺得應該俾面
個男朋友, 要由佢出錢先應份, 但佢又絕無話要搵佢男友著數的心態, 總之佢就唔會俾錢, 雖然青蛙仔係唔介意出錢, 拍得拖就要預埋女朋
友個份, 但總係覺得點解佢會咁舊式, 真係好奇怪, 大家又認為如何呢?
18.03.2002 (Tue) 陰雨
青蛙仔見到個圓筒膠樽仔，不禁好懷念細個喜歡食【鼻屎】的日子，膠樽入滿了細細粒黑黑啡啡的小丸，味道酸酸鹹鹹，稱之為【鼻屎】，
新買返來就會好豪氣，一次過倒好多粒在膠蓋，然後豪倒入口，但食到大半的時候就會慳住慳住，甚至一粒一粒放入口淺嚐，到後來先知道
原來【鼻屎】係有個名叫做【鹹柑棗】，大家有無食過呢？
21.03.2002 (Fri) 晴
14.03.2003 No.148
23.02.2003 (Sun) 晴，濕
話雖如此, 確實呢個世界係會有唔少呢類人, 就如最近香港教區就有兩單舊事被掀出來, 教區最高領導人避無可避, 終於都要出來道歉, 但
其實樹大有枯枝, 又有邊個會估到神父都會做出呢種行為呢? 有罪的終於都會被制裁, 青蛙仔反而想提出一個好有趣的問題, 其實亦都係青
蛙仔唔再信教的一個其中小小原因, 話唔定信教的朋友可以點醒一下青蛙仔, 就係當呢位罪人受完法律制裁之後, 佢真係誠心悔改, 照青蛙
仔所知, 祗要佢係告解過, 又或者係誠心向上主悔改的話, 世界末日之時, 佢最終都係可以升天堂的, 但如果受害者又係升了天堂的話, 佢
地係唔係會碰面呢? 佢地會唔會忘記前事, 一齊開開心心地享永生呢? 強姦犯, 殺人犯, 係唔係都可以同被姦者或被殺者融洽相處呢? 抑或
得到永生之後, 佢地的凡塵記憶都會一筆勾消, 完全變成另一人呢?
02.03.2003 (Sun) 晴
仲有一單仲離譜, 話說有個婦人去維園跑步, 因為唔小心跌倒而仆崩鼻, 塊面整損左, 於是就賴話地下唔平攪到佢受傷, 於是佢就向報紙詢
問點索償, 呢單野其實同【痾屎唔出賴地硬】有異曲同工之妙, 你估而家響外國咩, 乜都話有得告, 賠償又話天文數字, 自己腳痕(其實想講
另一樣野痕, 不過費事啦!)走去跑步, 又唔小心, 咁都有得賠的話, 香港真係大把人唔使做都有收入了, 好在維園方面的回應係話跑步的地
方無出現唔平, 而且亦無其他人投訴過, 相信事件亦會不了了之, 太民主的世界, 係唔係唔好呢?
05.03.2003 (Wed) 陰雨
06.03.2003 (Thu) 陰雨，清涼，驚蟄
朝早拎起份報紙，成疊都係財政預算，祗係快速揭完就算，因為青蛙仔人微言輕，都唔會有贊成與反對的過激言詞，唔似得一般市民咁有
心，況且鬧阿財爺都無用，你估份預算就係佢一個諗出來？唔好咁天真啦！
08.03.2003 (Sat) 早上寒冷警告，婦女節
28.02.2003 No.147
09.02.2003 (Sun) 晴, 四周年
早前青蛙仔在日記問過朋友知唔知文頌嫻年紀有幾大, 最近終於俾青蛙仔睇報紙的娛樂信箱, 有讀者寄信去問文小姐幾多歲, 原來文小姐係
龍女, 如果唔係流料的話, 原來佢仲有幾年先到三十歲, 又幾後生喎!
10.02.2003 (Mon) 晴，暖
11.02.2003 (Tue) 晴，暖
12.02.2003 (Wed) 晴，轉冷
14.02.2003 (Fri) 晴
原來最近地鐵都有得免費上網，青蛙仔少搭地鐵，都係睇報紙先知，亦估唔到佢地個過濾軟件咁不濟，可以俾人瀏覽到鹹網，青蛙仔亦服左
個麻甩佬，眾目睽睽之下佢都好意思睇，香港又唔係開放得咁緊要下話？其實呢樣野真係唔怪得地鐵，唔通真係長期搵個人來睇住人去邊個
網咩？予人方便都要人肯自律先得，呢種人可以唔理人點睇佢都照上鹹網，容乜易入到地鐵都忍唔住非禮女乘客架，果時就真係【弊傢伙，
地鐵有色魔】了！講起【弊傢伙，地鐵有色魔】呢套戲，八九十年代的改鹹片名專家真係好得，就算套戲幾無料到都好，但總有一個令人想入非非的片名去引人入場，而且一定係好update，例如將流行曲名改頭換面，總會令人睇見就會心微笑，隨住三四五六級的vcd興起，鹹片式微，鹹片戲院執得就執，新鹹片名亦不再抵死, 總有點唏噓的感覺!
22.02.2003 (Sat) 晴，濕
14.02.2003 No.146
21.01.2003 (Tue) 陽光普照
【川氏】的賀年歌MV竟然請到【哥哥】客串【三叔公】一角，到底係佢地大面定係間公司的背景大面、又抑或係哥哥都睇好佢地(講得唔好聽係想黐下金糠)、又抑或係約滿地球唱片之後，想加入埋【川氏】間唱片公司的先兆呢？不過呢間集團式唱片公司已經有唔少一哥坐鎮，【哥
哥】想要做一哥的話，睇怕又要開多間子公司俾佢掛頭牌先得了。
尋日幾間大銀行已經開始有【花蟹】兌換，市民亦聞風而至，意味住市民在今個農曆年的出手會起碼下降一半，大家在這年頭要艱辛度過，
連帶小朋友一年一次的收成都唔可以豐收，青蛙仔亦順應大勢叫兩老今年都用【花蟹】來封利是，因為話曬佢地都係老人家，收入祗係靠政
府的老人金同青蛙仔俾的家用，所以如果唔係太熟，平時祗係點頭的街坊就無謂封廿蚊啦，用【花蟹】來派二三十人都唔會太肉赤，收到的
都唔會怪佢地孤寒啦，但母親總係覺得往年俾開咁多，今年縮水的話，反而好似係自己唔好，佢又唔係話要充大頭鬼, 祗係覺得利利是是,
自己年年有餘先可以封封好好睇睇的利是俾人地, 佢有佢的道理, 青蛙仔都唔會阻止, 睇下到時點啦!
24.01.2003 (Fri) 陽光普照
報紙報導元朗有間學校唔准學生吹頭返學，否則會被校方強逼洗頭，因此有人就在校門外掛上橫額寫上【七頭文化】來渲洩不滿，其實青蛙
仔在好耐之前都提出過來討論類似事件，青蛙仔覺得好多學校的校規唔俾gel頭返學係幾苛刻，其實祗要唔係古靈精怪、鬼五馬六，為左齊整
而噴上定型或這喱水的話，根本唔係大問題，真係唔使咁迂腐，而家仲要話唔俾吹頭，校方又真係有點過份，到底點先知道人地有無吹過頭
先？朝早洗完頭返學又俾唔俾吹乾先？真係好離譜，難怪有人要拉橫額來抗議！
25.01.2003 (Sat) 陰, 能見度低
01.02.2003 (Sat) 晴, 大年初一
06.02.2003 (Thu) 晴
不過青蛙仔又幾明白跟住個有氣勢的大佬果種貪威識食的心態，因為青蛙仔都跟過積奇大哥去機場間酒樓食飯，由入門口一直不斷有人打招
呼問好到坐低為止，當時機場剛剛起好，通風系統俾人投訴話差，連帶酒樓都好焗，大哥一坐低話【真係幾焗喎！】，其實祗係自己講下
野，都唔係投訴，唔使一陣就已經有人搬兩把鴻運扇來吹住，青蛙仔身處其中都感受到個份被尊重與厚待的感覺，況且大哥對人人平等，大
家都係食同樣的食物，祗係話想食叉燒之後就任佢地點，講明唔好食剩就可以了，所以每個人的經歷唔同，青蛙仔早年算係fans之中同大哥
幾熟的一個，有好多野都睇到佢唔係扮野出來討好人，所以對佢好敬重，其他人未見過佢，祗係睇報紙或聽傳聞而對佢有偏見，係對佢唔公
平，至於用龍女事件來針對佢的人就更離譜，一男一女的感情事，邊個可以評理？刻意去生個女就係受害者？信佢的人都算低能！
24.01.2003 No.145
05.01.2003 (Sun) 晴
06.01.2003 (Mon) 陰雨，寒冷警告
07.01.2003 (Tue) 晴，寒冷警告
娛樂版報導兩位【後生無間道】在頒獎禮後有衝突，都幾好笑，雖然報紙可能有少少作大，但睇來似乎真係有講粗口同對罵，歌手本身都可
以咁，何況係班腦筍未生埋的fans丫，以後佢地可以開宗明義專注落一個對頭人，對龍哥仔可能有點幫助，唔使俾人係唔係都噓，都算唔錯
了；青蛙仔又諗另一方面，其實兩位【後生無間道】係點約【阿嬌】呢？有咁多記者、fans、甚至唱片公司的人睇住都可以發展戀情，真係
唔易，唔通佢地全部都係神交？況且【阿嬌】又唔係貨，相信唔到佢地話爭就爭，仲有唔知幾多不知名的傾慕及追求者啦，連阿【鼎爺個
仔】都公開明戀【阿嬌】啦，問你F得幾多個？
09.01.2003 (Thu) 晴朗，早晚冷
13.01.2003 (Mon) 陽光普照
14.01.2003 (Tue) 陽光普照
15.01.2003 (Wed) 陽光燦爛，回暖
10.01.2003 No.144
20.12.2002 (Fri) 有雨
22.12.2002 (Sun) 晴, 是日冬至
終於都搵番早前失蹤女童條屍, 果然都係同一變態淫魔的所為, 無辜女童因為貌似兇徒個妻子而慘遭殺害都幾唔抵, 自從有兩女童失蹤之後, 青蛙仔見有些女童來取身份證時都有人陪同, 以前佢地自己就可以來拎, 而家好似風頭火勢, 唔係阿媽陪就係有個女傭跟住, 捉到人之後,
元朗區的人可以鬆一口氣, 希望以後唔好再有咁變態的狂魔就好了!
23.12.2002 (Mon) 晴
27.12.2002 (Fri) 陰雨，寒冷警告
睇新聞話當局在設辦法防止除夕夜會重蹈平安夜及聖誕夜的覆轍, 種種方法無疑係可以減低再有類似的機會, 但其實始終係治標唔治本, 公
民教育一日唔攪好, 一日都會有一班害群之馬, 因為佢地完全唔會覺得自己有錯, 整污糟完, 第二日已經有人攪番掂, 你話佢地邊會醒覺?
其實除左票控佢地之外, 應該罰佢地洗擦乾淨先准走, 睇下佢地仲有無玩得咁過癮
31.12.2002 (Tue) 陰雨的除夕
當局終於有【忍一時風平浪靜，退一步海闊天空】的措施來應付文化中心的打靶友，用膠紙包住棵樹的方法真係令人反感，根本就係鼓勵佢
地再噴漆，如果係咁，不如整幾百塊白圍板圍住文化中心，即時攪個塗鴉比賽，俾班友仔噴到夠啦，其實青蛙仔覺得循循善誘去對佢地係無
用的，犯左事最好係公開打籐示眾就最有阻嚇作用，同禽獸係唔使同佢地講人權同尊嚴的。
01.01.2003 (Wed) 晴
02.01.2003 (Thu) 晴，日間稍暖, 但晚上又有寒冷警告!
03.01.2003 (Fri) 晴，早上寒冷警告
27.12.2002 No.143
07.12.2002 (Sat) 晴，和暖, 就快轉冷
晚上開住電視睇下肥姐訪問小齊的特輯, 青蛙仔好好彩, 曾經在上一年同佢有一面之緣, 覺得佢幾好人, 今日睇埋佢的專訪, 仲更加覺得佢個人幾真, 可惜佢最近拍戲多, 都好少聽到佢的好歌, 希望遲d佢會再有好歌出現啦, 之後轉台去明珠睇【OH CAROL!】, 阿DO DO姐係就係講英文講得好流利, 但青蛙仔總係覺得佢好作狀, 句句都落出十分表情, 而且化妝濃得化不開, 好在半小時好快過去, 但肯定下星期就唔會再睇了, 因為劇情祗係一般貨色, 製作又簡單, 真係唔多適合香港人睇, 青蛙仔仲發現一樣野, 劇中飾演DO DO個阿媽的演員似乎祗係化老妝, 分分鐘細過DO DO姐呢!
09.12.2002 (Mon) 晴，寒冷警告
11.12.2002 (Wed) 陰
13.12.2002 (Fri) 陽光普照，黑色星期五
(今日是第二次世界大戰南京大屠殺六十五周年悼念，南京今日全城鳴警報，三千多人出席悼念儀式。鳴響警報的主會場位于南京江東門侵華日軍南京大屠殺遇難同胞紀念館。江蘇省和南京市黨,政,軍及各界人士三千多人在這裡隆重舉行“悼念南京大屠殺三十萬同胞遇難六十五周
年儀式暨南京國際和平集會”。隨著低沉的警報聲﹐人們低首默哀三分鐘﹐緬懷六十五年前遇難的同胞。- 摘自雅虎新聞)
14.12.2002 (Sat) 陽光普照
15.12.2002 (Sun) 陽光普照, 溫暖
16.12.2002 (Mon) 晴
19.12.2002 (Thu) 陽光普照
放工坐巴士返屋企, 當然係用八達通繳費, 但上車時車長制止青蛙仔, 話八達通機壞了, 難怪之前有人上了車又退回下車, 估計佢地係諗住無散紙而唔敢上, 但青蛙仔一聽到壞機都不知幾開心, 掂行掂過就入去搵位坐, 因為其實巴士公司有規例, 當八達通壞機而乘客係用八達通
咭繳費的話, 就可以唔使俾錢搭車, 相信仲係有好多人唔知呢樣野, 唔好以為青蛙仔吹水, 因為青蛙仔曾經親自打過電話去九巴及城巴詢問,
同樣都係回答, 如果你咁好彩可以遇到部壞機的巴士, 祗要有八達通就可以免一程車費, 青蛙仔試過最高慳成十幾蚊, 真係不知幾想搭天水
圍過海車壞機呀, 可惜就未試過, 今日慳得三個幾, 算少了!
今日係星期五, 報紙又係重疊疊, 加上年近歲晚, 超市、兩間大藥房、電器店與及各式各樣的產品廣告出盡力推廣, 唔好話誇張, 閒閒地秤一秤, 成份方向報都應該有兩磅以上, 有時覺得雖然唔係用好靚的紙, 但始終真係好唔環保, 就算可以有得回收都幫唔到幾多, 不過青蛙仔
真係唔喜歡在網上睇報紙, 總係鍾意揭揭下, 除左財經、馬經同波經係掂都唔掂之外, 其餘就算唔會詳細閱讀都會由頭到尾揭一次, 有時睇
報紙真係會知多好多野, 亦可以與朋友交換資訊, 幾蚊一日換取精神食糧, 係值得的!
梅媽媽因為一句會爆大鑊, 令到各大小傳媒的記者對佢窮追猛打, 誓要逼到佢有野講為止, 不過青蛙仔覺得梅媽媽都幾十歲人, 總之自己可以豐衣足食過埋下半世, 真係唔好咁在意梅姐的家遺產點分配啦, 據聞有人覺得點解遺產分配俾朋友或經理人, 而自己的親阿哥都無份, 呢樣野真係無得講, 一個人的兄弟姐妹係無得揀, 未必個個都會相親相愛過一生, 但朋友係自己揀, 大家相知相識, 到走之時留一點心意俾朋友都無可厚非, 至於對於已經無感情的兄弟姐妹, 有時真係俾唔落手, 生前對人無感情, 死後又想搵人著數, 有無咁易呀?
尋晚氣溫開始下降, 包住被都覺得對腳未暖過咁, 又唔多適應冷天氣, 喉嚨又有少少唔受控的痕癢, 好了幾日的咳又蠢蠢欲動, 希望無事啦! 起身睇晨早新聞, 天文台發出寒冷警告, 新界區又得十度左右, 唔怪得咁凍啦, 新聞片仍然係梅姐出殯的消息, 配上了她的女人心襯底, 加上寒冷天氣, 蒼涼得緊要, 【但我始終不過是個人....】
話咁快已經年廿八, 青蛙仔早兩日已經洗了邋遢準備過新年, 可能個天都想幫香港洗邋遢, 於是呢兩日就落起大雨上來, 今朝的雨勢仍然頗密, 天氣亦十分寒冷, 老爸一早打電話問天氣, 新界地方氣溫在十度以下, 如果有太陽都唔會覺得咁凍, 偏偏仲落埋雨, 所以真係幾凍, 青
蛙仔成日都話怕冷唔怕熱, 所以都著好多衫返工, 忽然變了大隻佬!
今日係大年初一, 青蛙仔祝大家
萬事勝意 龍馬精神 心想事成 學業進步 青春常駐 新春大吉 出入平安 步步高陞
年生貴子 生意興隆 貨如輪轉 老少平安 橫財就手 財源廣進 百無禁忌 狗馬亨通
添丁發財 東成西就 一帆風順 事事順景 福如東海 壽比南山 吉星拱照 花開富貴
大吉大利 年年有餘 周年旺相 順順利利 迎春接福 新年進步 馬到功成 一本萬利
長命百歲 平步青雲 升官發財 五世其昌 五福臨門 恭喜發財 身體健康 恭喜恭喜
打開份報紙, 似乎好消息多過壞消息, 真係好現象, 報紙用否極泰來來形容香港, 因為尋日新界鄉議局主席劉皇發及沙田鄉事會主席莫錦貴昨在沙田車公廟為香港及沙田居民分別求得中籤和上籤, 籤文解說祗要港人同心合力就會有好日子過, 新年有好消息, 總係令人鼓舞, 雖然
暫時唔會對青蛙仔有咩直接的幫助, 而且公務員已經開始減薪, 但香港好的話, 公務員應該易做好多, 亦唔會俾人用茅指住, 大家的怨氣亦
無咁易發洩在公務員身上, 都係值得開心的!
尋晚在網上已經傳出樂壇大姐大在醫院垂危的消息, 青蛙仔唔敢相信係事實, 祗當係一般惡作劇沒有理會, 到今朝已經不能再騙自己, 早上新聞已證實她病逝, 青蛙仔若無其事的梳洗食早餐, 但腦裡其實都幾空白, 到落到街, 見到報章大大隻字的頭條, 忽然心裡一寒及一酸, 她的歌在腦裡反覆響起, 由她公開宣佈患癌到今時今日, 祗係三四個月, 變化竟然這樣大, 癌細胞實在可惡與可怕, 落車步行返公司途經了多間報紙檔, 小販正不停努力地疊報紙, 一份份的頭版都是她的大頭相, 實在令人忍不住眼濕濕, 相信不是她的歌迷也會因此而覺得惋惜吧?
2004年的第一日, 訓到十點幾先起身, 但都唔算有太多野做, 因為今日都無打算去街, 當然亦唔會走去參加遊行, 真係唔明白, 而家香港人的所謂【訴求】強烈得咁緊要, 係唔係都話出來爭取呢樣爭取果樣, 到底係盲目跟隨定係自己有需要就真係天知了!2003年已成過去, 唔知大家對舊年的得失如何呢? 青蛙仔在這一年似乎都唔算太好, 除了身體一向不好之外, 工作都唔算太如意, 財運就更加唔使講啦, 加上好像總係有小人纏繞, 而且亦有些朋友離棄了, 可幸仍然有一些基礎打得好, 感情穩固的朋友仍然支持自己, 到今日仍然有朋友同自己講係會企自己一邊, 識你咁耐知你有分寸的說話, 確實令人感動, 而且亦更堅定自己做人的原則, 【豈能盡如人意, 但求無愧我心】, 清者自清, 使同果D無謂人解釋咩? 哈, 無錯! 2004年開始, 一定要開開心心先得!
報紙的娛樂版仍是天天提醒大家樂壇大姐大已經離開了, 不過似乎有很多餘波新聞唔可以令她安息, 雖然她義氣干雲, 朋友眾多, 但消息指出, 並非全部都是好朋友, 而且據聞在辦完大姐大的身後事之後就會互相爆料, 青蛙仔真係好唔明, 人都死了, 她的所謂好朋友, 點解仲要
咁, 唔通在她生前仍未撈夠油水, 在死後仍要賣料先得安樂? 得到的金錢真係會使得安樂嗎? 在天之靈的她會後悔認識這樣的朋友嗎? 真係
無奈! 因為她的離世, 不少媒介亦爭取機會發死人財, 不少特刊都搶閘印製, CD、VCD亦被搶購, 而電視台亦製作特輯, 讓愛戴她的人可以免費回顧, 今日下午就播放她與星爺合作的影片-【龍過雞年】, 顧名思義, 即係當年的猴年尾雞年頭的賀歲片, 仲有唔夠一個月就係猴年的來臨,
即係話, 呢部電影經己超過十年, 十年其實唔係一個短日子, 可以由一個小朋友變為成年人, 但當你唔在意的時候, 十年轉眼就過了, 忽然
想起另一位已故的歌唱天后, 她的一首日本歌【任意讓時光消逝】, 百聽不厭, 亦有種不在意不在乎的意味, 但中文版卻是【我祗在乎你】,
灑脫之中又帶點在乎的人, 是否很難得?
臨放工之前有少少空檔, 青蛙仔同幾位同事玩了個左腦遊戲, 令大家開心了一陣子, 看看大家的手被腳支配定係腳被手支配, 如果大家有興趣的話, 請大家跟青蛙仔做一次, 做完之後, 包你會哈哈笑, 覺得自己好低能, 準備好未? 開始了:首先, 相信你在電腦前, 一定係坐低的, 請你將右腳順時針方向不停打圈, 請記著不要停, 之後, 請你伸出你右手, 在空中寫個阿拉伯6字, 現在看看你的腳在做什麼! 是否被手支配了? 不忿氣? 再試多一次吧! 是否覺得自己的動作很低能? 哈!
最近的新聞似乎都係偏向好的方面, 股市上揚, 市道一片好景, 就算係地鐵有人縱火都係有驚無險, 香港似乎真係轉運了, 所以今日方向報的頭條都唔係唔好的新聞, 竟然係介紹地鐵縱火案的救人英雄, 令人覺得香港雖然係自私的人多, 但仍然都有一些熱心助人的人, 雖然佢地都係工作上要咁做, 但起碼佢地臨危不亂, 懂得應變, 將災難化解, 實在值得表揚, 不過相信其實香港都仲有好多無名英雄, 幫了人係唔出名的, 呢種精神更可加, 大家又有無試過靜靜雞幫了人之後, 唔想人知道的呢? 會唔會有機會試過好似宣傳片一樣將地上的垃圾放入垃圾箱? 宣傳片話呢種行為未必有人欣賞, 但會有人學, 青蛙仔好欣賞度呢條橋出來的人, 在子女面前做好榜樣, 家庭教育真係好重要, 下一代一定要教得好, 香港先會好呢! 幫了人之後, 會唔會覺得身心舒暢, 人都開心D呢?
晚上電視播放傑出華人系列, 介紹吳宇森導演, 三十年的成功血淚史在短短一小時內濃縮而成, 覺得時間真係過得好快, 一個人的努力要經過咁多年先可以得到其他人認同, 但成功之後細說從前卻好像昨日一樣快, 收成期比耕耘期短得多, 時間真係全世界最厲害的武器, 但祗要
真的有成果, 辛苦總係值得的!
有閱報習慣的朋友可能都有留意, 最近律師樓的競爭太大, 新勢力的律師行都會各出奇謀宣傳, 報章的分類廣告全版都係被不同的律師樓佔著篇幅, 都係宣傳重組債務, 攪離婚, 又或者係做改名契, 價錢方面真係鬥平, 記得好幾年前如果想話做改名契, 無一千幾百都搵唔到律師
樓做, 但自從阿保羅律師以平取勝, 可以以三幾百就做得到之後, 好多新律師行都紛紛以三百蚊樓下就可以幫客人改名, 真係賺得好微, 所
以近年好多人都唔介意拎幾百蚊出來幫自己轉運, 因為如果想政府正式認可改名的話, 必先要搵間有牌律師樓做改名契, 祗要附合法例, 甚
至改個名做【小小小燕子】, 英文就叫【Little Litte Bird】都得, (相信都會有人記得呢位新聞人物), 拎住改名契之後就可以去人事登記
處俾錢更換新身份證, 之後再將自己所有有關舊名的證件換新證, 就可以連名帶姓將前塵棄掉, 重新做人了, 不過想轉運的人先要拎一筆錢
出來先攪得掂, 值唔值得就見人見智了!
最近報章雜誌都爭相報導大劉同大法官個女的流水帳, 本來青蛙仔都唔係咁有興趣, 但奇怪得很, 兩個唔係娛樂圈的人, 佢地的事竟然放在娛樂版同娛樂雜誌, 可能因為大劉與好多女藝人有交往, 以致一般人都以為佢係娛樂圈的人都未定, 本來青蛙仔睇見呢類報導都祗係揭過就
算, 唔係當事人, 根本就唔會知咁多內情, 不過對於報導提及, 有人可以一個月食十萬元燕窩, 食足幾年, 合共幾百萬, 對於青蛙仔呢類連
樽裝燕窩都祗係想食又唔捨得食的人, 真係非常吸引, 連口水都流埋, 好似大劉話齋, 真係唔知點食, 可能連漱口都用埋燕窩, 不過青蛙仔
見呢位女士的尊容祗係平平無奇, 又唔見得話食左燕窩有咩功效, 真係想像唔到, 當佢唔食燕窩之時個樣會係點, 又會唔會係物極必反呢?
尋晚睇新聞己經知道香港銀行的網站竟然被人複製, 用以套取客戶資料, 真係幾得人驚, 因為網址係非常接近, 祗係將hk放前放後就己經唔一樣了, 青蛙仔都有戶口在香港銀行, 亦有利用網上理財呢種既方便又免費的服務, 睇完之後, 其實明知自己唔會行錯路, 但都唔放心, 都
要去一去平時bookmark的網址睇一睇, 無錯, 如果一向有bookmark的話, 應該就唔會攪錯, 因為呢個網站係最近先發現, 被搵笨的人可能係
新加入網上理財, 求其打個hsbc網址, 可能就會誤入岐途, 繼而將個人資料向犯罪者公開, 幸好銀行方面發覺得早, 已報警處理, 該假網站
亦即時被封艇, 希望青蛙仔的朋友唔會被騙啦, 網上罪行無日無之, 同現實一樣咁嚴重, 由盤古初開起始, 有人就會有人犯罪, 但誰個才是
真正可以懲罰罪人的主載呢?
放工前有某些同事在討論著一份通告, 就係未來每一位公務員都有機會在線上查閱自己某些資料, 例如假期, 退休金之類, 如果不用書面提出的話就會當同意, 明日就係最後限期, 大家對於線上可以查閱有唔同見解, 保守派當然係反對, 上慣網的青蛙仔就覺得非常方便, 但真係
唔明有咩好反對, 因為政府立定主意要攪, 一定事在必行, 而且大勢所趨, 網上做任何服務代替人手係理所當然, 反對的同事好像人心惶惶,
羊群效應, 一個反對講幾講又有人其他人跟住簽名, 青蛙仔都覺得幾好笑, 佢地解釋話鍾意打電話去搵人check, 好過自己在網上check, 青
蛙仔就覺得, 如果三更半夜訓唔著都可以即時睇下自己有幾多假期同埋有幾多退休金, 何樂而不為, 而佢地擔心的, 祗係保安問題, 驚好容
易被揭私隱, 青蛙仔又真係無擔心過, 估唔到, 咁都有代溝!
今日放假一天, 本來朝早都無特別醒過, 點知未夠九點有個打錯的電話, 攪到無得繼續訓, 結果戀多一陣床都起身了, 食過早餐之後就睇報紙, 頭條當然係【小黑】逝世的消息, 兩份大報都用多張篇幅來報導, 曾經飛越長城的英雄, 在盛年逝世確係令人惋惜, 不過尋日有某些報
導係話佢因為交通意外而逝世, 但今日相信大家都知原來係因為酗酒以致身體出了問題, 本來用酒來減壓係無可厚非, 但如果一旦上癮的話,
確實係有害無益, 一代英雄就此長辭, 其他人應該有所警剔吧?
相信大家每日都會接觸唔少垃圾電郵, 其實唔知大家的習慣係點呢, 一係睇都唔睇, 統統刪除放進垃圾回收箱, 抑或都會逐封睇一睇先刪除呢? 本來好多電子郵箱都有阻截功能, 但總係道高一尺魔高一丈, 廣告永遠都可以走入你郵箱, 而且大多數都會係賣性藥, 例如偉哥, 增加
性能力, 改善器官之類, 原來呢種方法竟然真的可以入屋, 閣下認為係垃圾的電郵, 有人就當係懦夫救星, 偉哥的網上訂購銷量, 竟然遠遠
超過想像, 所以賣藥的公司先會千方百計去利用任何途徑去關照網民, 日日都將訊息送出, 因為總有一日會有人需要, 大家又有無因為看了
垃圾電郵的產品之後, 覺得有所需要而訂購呢?
又係一星期的開始，今朝下著毛毛雨，開始真係有冬天的意思了，著制服的同事亦已轉季，感覺上比夏季制服係有型有格一點，其實青蛙仔都講過好多次，祗係本部門的低級文員，係唔需要著制服，所以平時就係以便服返工，但仍然都有唔少朋友唔知呢回事，以為在呢個部門工
作就一定要著制服，但其實呢個部門工作的文職仲多過著制服的呢！ 講起制服, 唔知大家有無留意, 每逢到換季之時, 個天就會好似玩佢
地, 當換了冬天衫之後, 就會有幾日悶熱到死, 到換了短袖衫之後, 又會無端端翻風, 屢試不爽, 大家飾目以待啦, 不過講開再講, 最近青
蛙仔見到班男子漢換了田生間集團旗下設計的制服, 又真係幾似青蛙仔間屋苑的戇實Q, 田生成日批評政府呢樣果樣, 又要公務員減薪, 唔知
佢對呢款制服有咩意見呢?
尋晚在網站看到某填詞人逝世的消息，覺得頗為惋惜，亦因為祗係一小段的報導，所以青蛙仔都不肯相信係現實，於是今朝諗住睇報紙證
實，不過方向報可能唔係好夠料, 祗係得一小段報導, 問訪了歌星【二奶sa】, 對方都祗係吐了少少料, 連咩病都無提及, 但青蛙仔從別人
的報紙又好似見到好大篇幅的報導, 都幾奇怪, 其實林先生確實係個不可多得的鬼才, 感動人心的歌詞多不勝數, 祗係得56歲就因病逝世,
畢竟係可惜的, 青蛙仔憑空想像, 其實個病關唔關食得煙多呢?
今日係1123區議會選舉的日子, 不過青蛙仔對政治極度冷感, 無登記做選民, 所以對於最近候選人落力拉票都無動於衷, 唔登記有樣好, 唔使煩於投邊個, 如果登記了又唔投票就不如唔好登記, 唔知過了十八歲的你是否個負責任的選民呢? 朋友講得好, 如果咁橋個候選人係同你
住埋一幢屋苑的話, 無論識唔識佢都好, 投佢都會有著數, 因為佢一定會為自己爭取權益, 連帶選民都會有著數, 不過青蛙仔都認為區議會
唔應該同政治混埋一談, 區議員係應街為街坊爭取好處就已經盡了本份, 真係唔同攪民主的!
最近有老牌快餐店改個換面, 仲搵埋傻強做代言人, 好似想擺脫以前型像, 希望可以高檔少少, 不過青蛙仔一向都唔太喜歡呢間快餐店, 因為每一次入去食野, 想話俾多個機會佢, 但每一次都會失望, 結果又會好耐先幫襯一次; 今次改頭換面, 野食好唔好就未知, 但以青蛙仔所
見, 佢連【撈稿】都由一個小丑變成了橙加白色的抽象跳躍者, 青蛙仔覺得反而無以前咁好睇, 不過既然人地一擲千金咁大改動, 有機會的
話, 青蛙仔都會去試一試的, 大家又覺得點?
今日係國際素食日，其實青蛙仔都唔知，祗係同事講先知有呢回事，況且每隔一陣子就會有國際乜乜物物日，長此下去唔知會唔會日日都有呢類日子，意義就會大減了，不過青蛙仔對食齋都幾有興趣，所以都會響應一下，青蛙仔知好多朋友都唔會抗拒食齋，但就要有人發起先會
食，其實有幾多個會主動食齋呢？
在工作處見到有客人在等候之時拿出一本【讀者文摘】來看, 真係好耐無見過呢本書了, 記得青蛙仔讀書時期都曾經訂閱過, 不過每一期都唔會全數盡閱, 祗係睇下【開懷篇】呀, 【世說新語】呀, 【中英對照】同埋【每期專題】之類, 而且仲成日為了二三百元的巨額稿費, 成日投稿去開懷篇, 不過每次都會希望落空, 但每次睇人地的笑話又唔係真係咁好笑, 甚至祗係取材自當時明報副刊的一笑會, 當時真係恨得牙癢癢, 而且【讀者文摘】唔止係普通雜誌社, 每期都會用多種唔同文字在唔同國家出版, 亦有好多周邊興趣書籍, 包裝精美華麗, 仲有得免費郵寄試閱, 青蛙仔亦因此買了唔少昂貴的課外書, 此外, 每隔一段時期就會收到【讀者文摘】寄來的連鎖幸運抽獎信, 獎品豐富, 非常吸引, 青蛙仔亦因此而出賣唔少親朋戚友的地址, 希望可以將幸運帶俾佢地, 當然都揭曉開獎之時, 一次又一次的失望, 而家諗番起, 都無見過呢本書好多年了, 原來仲有得買, 唔知而家幾錢本呢? 真係仲有人睇咩?
尋晚確實幾累, 好在今日星期日, 可以唔使早起身, 體力總算有機會恢復, 不過呢兩日的天氣真係麻麻地, 空氣質素真係好差, 氣溫又唔知點咁, 濕度高得很, 攪到個人都唔多聚財, 手腳的汗都無停過, 好煩, 希望有風來吹散壞空氣, 令天氣可以清爽一點!
估唔到一條鱷魚仔出現元朗區都會咁大新聞, 除了電視新聞用好長時間報導之外, 報章都有唔少篇幅講呢件事, 青蛙仔睇見條鱷魚又幾生猛, 完全唔同好多年前去澳洲玩之前, 參觀動物園所見的大鱷, 青蛙仔所見的沼澤大鱷係長期處於靜止狀態, 原全唔覺得佢係有生命的, 身處淤泥之中, 有保護色, 唔係細心睇, 根本唔會覺得有佢的存在, 呢種就係兇殘動物的覓食本領, 等獵物在佢襲擊範圍出現先迅速行動, 一擊即
中, 真係幾驚, 忽然記起一種比鱷魚更為殘忍的捕鱷方法, 聽聞泰國人捕殺鱷魚的方法, 係先將一個大冬瓜原個煲熟, 然後就將熱辣辣的冬
瓜帶去引誘鱷魚, 等條鱷魚一啖將冬瓜吞落肚, 冬瓜的熱力就會監生將條鱷魚淥死, 真係聽見都得人驚!
今日的報紙, 仲係講緊小鱷魚的消息, 攪左咁多日都仲未捉到佢, 尋日明明引到佢入籠, 諗住今次實成功啦, 點知個籠唔知係好耐無用過定係生鏽, 總之就閂唔埋度閘, 結果又俾條小鱷走甩, 睇來南生圍仲會有一段時間成為旅遊熱點, 不過如果一下唔覺意有人俾條小鱷傷到的話, 到時又唔知有幾多人出來插政府, 又會話政府連咁小事都辦唔到了, 都係盡快攪掂先係上策!
今日係國父孫中山先生的壽辰, 亦都係好多學校的假期, 係希望學生可以記住有國父呢位人物, 致於國父為了中國人做過咩, 可能佢地又未必知, 可幸國父係中港台都認同的一位人物, 所以三地都可以一同記念, 青蛙仔成日都講, 好希望新一代的後生仔可以自強不息, 不久的將
來, 可以有更多的楊利偉就好了!
仲有幾日, 兩間大學的學生就會以罷課來聲討政府削減經費, 到底佢地有無做錯, 又或者係唔係政府有問題, 青蛙仔真係唔知曉, 祗係知道最近呢一兩年政府不停在削開支, 都唔係祗針對大學啦, 公務員減薪, 公援又要減, 減大學的經費都係無可厚非, 罷課祗係自己蝕底, 對件
事似乎唔係好大幫助, 況且總係覺得學生會的幹事出來帶頭做某些事, 佢地目的到底係為咩野呢? 其實佢地知唔知道如果成日都帶頭出來見
報攪運動的話, 將來的前途會係點呢? 終身攪政治? 定係想平平凡凡, 在小公司打一世工? 點解咁講? 如果青蛙仔係大公司老闆, 都一定會
注意攪運動的學生, 將佢地放入特別名單, 第日佢地想申請任何職位之時, 都一定加以特別關照啦, 如果一下唔覺意請左佢地, 容乜易又入
來攪運動架, 到時就麻煩了!
食住航天熱, 今日想再講下中國太空人, 相信大家都知道, 除左楊利偉先生, 仲有另外兩位候選中國太空人, 佢地係翟志剛同埋聶海勝先生, 在神州五號升空前一晚陪同楊利偉一同亮相, 相信兩位候選排第二三的太空人心情都幾複雜, 其實三位經過長時間的訓練之後, 無論身心都同樣適合上太空, 但都總要有一位真真正正的步入飛船, 而楊先生係最適合的人選, 其餘兩位既然參加得就梗係想上太空, 但上太空唔係搭
飛機咁簡單, 始終有極大的危險度, 佢自己唔怕死唔緊要, 但佢地都會有家人, 一定好擔心佢地的安全, 今次揀唔到上太空, 可能反而鬆了
一口氣, 淨係要克服呢種心理障礙都已經唔容易, 今次楊先生成功了, 無疑係加強了日後的信心, 試過一次之後, 下次就會更加先進同安全,
另外兩位都一定會有機會上太空, 青蛙仔又諗, 唔知在青蛙仔有生之年, 太空船載人上太空, 會唔會好似搭飛機咁普遍呢? 不過到青蛙仔年
紀老邁之時, 可能連飛機都唔適合搭了, 上太空要等下一世了!
維港巨星匯攪到一鑊泡，政府又受萬箭穿心，青蛙仔覺得雖然政府係有責任，但都係因為信錯主辦機構先會攪成咁，可以講得上白馬鬥白
馬，高官唔識娛樂事唔緊要，信鬼佬而唔信演唱會之父阿張生就抵打，班鬼佬搵埋D過氣紅人，真係唔知想搵咩人買飛，老實講句，頭場搵香
港的【長腿莫小姐】，青蛙仔真係唔知佢有幾咁巨星，落得慘淡係理所當然，另一方面，本來【川氏】有份演出的場次都唔係好多人買飛，
青蛙仔覺得，與其拎幾舊水出來睇佢地唱幾首歌，不如留番佢地正式演唱會先去睇，賣唔去又係可以理解，忽然峰迴路轉，同台演出的外國
組合有人失場，正好俾個台階大家，索性賣大包，乘機派飛造勢，人紅沒法檔，【川氏】既然已經收了錢就話之你賣飛定派飛，對歌手來
講，最緊要係有人睇先會開心同落力，有邊個會想好似【莫小姐】咁對住小貓三幾隻，仲要唱唱下都要叫觀眾快D入場坐低丫，【川氏】仍然
有運行係不爭的事實, 睇新聞見到班排隊拎飛的公公婆婆就慘, 又唔係自己睇, 又唔係輪米, 拎唔到飛就算啦, 賴死唔走好似要搏賠償咁,
成個貪字鑿響額頭, 巨星匯攪得唔好俾外國人睇唔算恥辱, 香港人呢種咀臉先令人覺得羞家！
今朝搭電梯有兩母女一齊，小朋友大概一二年班，向母親問咩係【走火入魔】，個阿媽即時語塞，唔知點應對，竟然問番個女轉頭，話你唔知咩？個女當然係唔知先問佢啦，後來個阿媽又問，你係唔係睇電視武俠片學架？個女就答係，個阿媽就話係囉，練功夫練到傻左囉，就咁
樣就解答了個女的疑問，青蛙仔覺得都幾好笑，有時細路哥問野真係好騎呢，大人明明係識，又無諗過會有人唔識，更加唔知道應該點解釋
好，唯有帶小朋友兜大圈遊花園，俾時間自己思考或者岔開話題就當過骨，小朋友明唔明都唔理了，呢種就係家教了！
維港巨星匯日日都有新聞, 日日都有人踩兩腳, 青蛙仔都湊熱鬧加把腳, 不過今次想講下外國的所謂巨星, 好似早兩日的女子組合, 台上互咀係佢地招牌菜, 攪到班師奶同婆婆啋聲連連, 青蛙仔唔會因為佢地在台上有呢種行為而討厭, 但如果連台下都係咁鬧事的話, 呢兩個人就
一定有問題, 如果報紙報導佢地在機上醉酒鬧事, 去到機場又玩航空公司職員, 連佢地經理人都玩埋一份係真的話, 真係唔知請佢地來做咩,
青蛙仔真係寧願捧【川氏】場都唔想睇佢地; 而另一隊男子組合又話掛住玩唔綵排, 似乎對香港真係好似玩玩下的心態, 如果真係咁不屑,
唔該佢地唔好賺呢d錢啦!
今朝報紙報導有單騎呢賠償新聞，青蛙仔想講下，有個小妹妹將一樽止癢的經典【皮膚噴射劑】跌了落地下，玻璃爆破割損了前小腿，家長以個女樣貌靚，不久將來會參加香港小姐做理由, 而家身體有損, 要做磨皮手術, 於是向該公司索償三萬, 該公司就以二千蚊作利是定驚,
對方當然唔肯啦, 幾經轉折, 還價八千, 最後再以二萬元成交, 該公司仍然唔承認係賠償, 祗堅稱係利是, 鬧劇圓滿結束, 其實青蛙仔覺得
打爛野係佢自己的事, 點解要人賠償喎, 該公司為了息事寧人, 俾封利是當買佢怕, 仲即時知覺話會將多年來的玻璃包裝變成膠樽裝, 已經
你最大的讓步, 而最好笑就係, 小朋友的家長, 咁快已經諗住將個女當作搖錢樹, 真係可悲, 呢樣野, 又係家教來的!
狗仔有時係幾討厭，但今朝睇方向報報導，狗仔隊踢爆了機電署員工蛇王呃補水，青蛙仔又覺得如果唔係有狗仔隊，大家都唔知道今時今日仲有人夠膽甚至係咁厚顏去做出此等事，返工蛇王偷懶就個個都會，但離開工作崗位幾粒鐘去炒股或者同家人飲茶就真係幾離譜，更甚係過
了工作時間先返去用補水形式再開工，青蛙仔覺得呢種屬於行騙，簡直係刑事罪行，一定要嚴懲先可以殺一儆百, 香港公務員已經成日俾人
睇唔起, 有呢種人存在, 更加係恥辱!
今日又係一年一度的萬聖節，無論有無節目慶祝都好，祝大家過得開開心心，快快樂樂！
今日係國慶日, 祝願祖國與香港都可以排除萬難, 邁向更繁榮的日子!
近中午時份聽到有人在大堂好大聽講粗口, 青蛙仔以為又唔知邊個衰人在鬧其他同事, 原來佢同另一個客有爭執, 因為太遠聽唔到事由, 祗知道佢地由大堂一直鬧到出門口, 在商場中嘈起上來, 似乎準備講手, 既然佢地離開了公司, 因此都唔會有人去勸交, 話之佢地打死佢, 青
蛙仔遠望佢地, 仍然都係得過講字, 類似: 咩呀, 咩呀, 彼此在鬥兇, 後來鬧鬧下又離開埋商場, 出了街, 所以離開了唔少人的視線, 點知
呢個時候竟然有唔少人追出去睇野, 甚至連開緊檔的影印阿姐, 同埋影快相的阿姑都唔理檔攤走埋出去睇, 場面真係好攪笑, 估唔到真係有
咁多人可以八卦成咁, 香港人真係太無聊了!
最近呢幾日的報紙都係環繞住份沙士報告, 似乎各方面的壓力都係想政府向公眾道歉, 係都要有人下台先安樂, 加上有因病逝世的家屬企圖尋死, 事情好似沒完沒了, 其實天災人禍真係係人都唔想, 更何況沙士係新病毒, 政府初期做得唔好都好難怪, 後期都屬於亡羊補牢, 最後
都算係慘勝了, 人死不能復生, 死者家屬當然值得同情, 但係唔係一定要政府道歉先係最重要, 先會平復心情呢? 到底會唔會同賠償有關係
呢? 幾百條人命, 政府一旦公開道歉, 真係搵到個人背黑鑊落台的話, 即係承認有錯, 可能所有曾經染病以致死亡都人都會獲得賠償, 數字
可能比天文更天文, 大家有無諗過? 到底真係原則問題, 定係利字當頭呢?
今朝睇報紙報導香港有十一萬人患上社交焦慮症, 如果閣下在過去一年對某些社交場合同面對某些人而感到焦慮或不安, 而自己丫知道呢種焦慮同不安係不合理或者係過份強烈, 另外, 為免出醜或尷尬而逃避社交活動, 例如搭小巴時會驚自己講野走音同埋驚講得細聲, 司機會聽
唔到, 結果令到自己心跳加速, 甚至發抖, 所以會唔敢叫落車, 令到自己以後唔搭小巴, 改搭其他公具, 以上的行徑其實就係患上社交焦慮
症! 青蛙仔覺得真係有呢類人的存在, 因為搭小巴時確實聽過有人叫落車係好似同自己講野咁, 要司機要三詢問你唔係有落, 佢先在最後一
刻話叫落車, 原來過份文靜或怕羞就會成為病態, 其實青蛙仔識唔少網友係咁, 佢地永遠活在自我中心, 迷失在網絡之中, 在ICQ之中可以同
你無所不談, 但叫佢出來傾下偈就咪使旨意, 因為佢地知道自己唔識得點面對真人, 所以就好像惡性循環一樣, 越驚就越難面對, 有時青蛙
仔都會盡量開導佢地, 希望佢地可以融入社群, 但人各有志, 又真係好難逼, 不過如果閣下真係好似以上的情況的話, 原來係有得醫的, 請
你放開懷抱, 唔好諱疾忌醫, 一定有所轉變的!
今日搭巴士有一奇境, 其中一個雙座位係人行過都縮番轉頭, 青蛙仔聽到乘客話有人吐口水, 初時青蛙仔以為祗係在座位地下有水口, 所以乘客寧願揀另外一些座位, 不過真係幾好笑, 因為座位已七七八八, 竟然仲有雙座位空置, 因此每到一個站有人上車就會有人覺得執到寶咁,
但當佢地去到個位之時又彈番轉頭, 亦有些人考慮兩秒, 結果都係另覓地方, 後來青蛙仔落車, 好奇望一望到底有幾難忍, 原來啖口水竟然
係在座位之上, 難怪個個退避三舍, 估唔到有人真係咁無公德心, 可以做出呢種行為, 真係鬼唔望佢跌落屎渠度浸死!
今朝睇電視新聞見到中國太空人返回地球的片段, 頗有一絲絲的感動, 因為我們也做到了, 而且平安無事地回來了, 雖然祗係一個短短的旅程, 但也足夠令人振奮, 令中國人在任何地方也足以自豪了, 祗見楊利偉先生步出飛船不停向群眾揮手, 雖然有點疲態, 但亦難掩他的興奮,
一大班工作人員七手八腳的歡迎他, 畢竟中國人比較含蓄, 竟然沒有一人向他擁抱, 感人場面似乎欠奉了, 大約停留一分鐘左右, 楊先生已
被抬走, 準備檢查身心狀況, 相信好快就會回復正常, 其實今次的孤獨旅程真係承受好多壓力, 衝上太空真係太多未知的問題會出現, 被揀
選之時應該會有好複雜的心情, 首先當然會係好榮幸, 但諗深一層就可能會驚一去無回頭, 連官方都唔敢安排直播, 又怎不叫人擔心, 相信
由發射一刻, 楊太太一定擔心到佢降落為止, 而家真真正正完成壯舉, 相信還會有神舟六號七號的繼續下去, 開荒牛已完成任務, 後來者要
更加努力了!
楊利偉成為人民英雄，底細瞬間被傳媒起得一清二楚，報刊當然以多版的篇幅，以及出版特刊來報導，而商品亦乘勢以航天為題的推出，楊先生名利雙收係肯定的事，其實青蛙仔對航天科技唔係太大興趣，對於今次盛事的報導並沒有詳細的閱讀，祗係抽看重點，知道件事就可以
了，楊先生無疑係大英雄，但老實說，以青蛙仔男人看男人的眼光，楊先生的樣貌祗是一般的中國人吧，如果唔知佢的偉大事跡, 真係覺得
佢幾普通, 怎也不是報章及人民所形容的帥哥，封佢做偶像係一件事, 無野好形客, 夾硬要話佢型英帥靚正又似乎過份左, 唔好意思, 青蛙
仔一向都唔覺得皇帝件新衫好靚!
今日係九一八日軍侵華的七十二周年，可能好多人都已經忘記、甚至唔知道九一八到底係咩事，但無論如何都係值得年輕人去記住日本人曾經對我國造成了好大的傷害, 雖然新一代的日本人都會為侵華事件作出道歉, 大家亦不必深究對錯, 總之有段歷史, 大家應該要記住就可以
了!
睇報紙有單小額錢債糾紛，有乘客投訴巴士的電視聲浪太大，難以忍受到目的地，最少有三次以致中途下車，於是向巴士公司追討回車費
$22.5, 而法庭就將案無限期押後, 青蛙仔睇完真係覺得呢個人好幸運, 可以成日都搭到部電視開得大聲的巴士, 因為青蛙仔成日搭長途巴
士, 十次有九次半都覺得個電視太細聲, 想話舒舒服服聽下首歌唱咩都唔得, 唔知點解又會有咁多人投訴巴士電視聲浪太大, 仲竟然可以成
立一個團體稱之為【靜巴行動】, 兼有埋主席, 真係天下之大, 無奇不有!
今朝返到公司之後去洗手間洗杯, 竟然見到一位阿姑如廁完畢從廁格走出來, 佢見到青蛙仔完全無任何表情, 不過青蛙仔就忍唔住同佢講:
阿女士, 呢度係男廁喎! 點知個阿姑好整以暇, 一路洗手一路話唔知, 青蛙仔覺得佢根本就係知, 祗不過隔離女廁要用鎖匙先可以開門, 而
男廁就唔需要, 因此佢就貪方便入來, 其實青蛙仔係無蝕底, 但呢個係原則問題, 男廁就男人用, 女廁女人用, 大家要分得清楚, 如果倒轉
來, 佢在女廁, 而青蛙仔又係由女廁出來的話, 你估佢點反應先? 呢種阿姑, 唔鬧人就有鬼了!
又到放假的日子, 照例都唔會過十點起身, 拎起份報紙睇下尋晚已經有電視新聞報導的滅門案, 一家四口連埋隻狗都因燒炭而亡, 報紙報導男死者因為欠賭債, 解決不了事情, 於是與妻子雙雙尋死, 可能唯恐遺下一對子女會無人照顧, 於是將安眠藥混在汽水中, 然後四人就擠在
床上了斷, 兼且連隻狗都唔放過, 擺埋入房一齊死, 睇見真係幾無奈, 覺得男死者都幾狠心決絕, 不過一家唔知一家事, 青蛙仔唔似得好多
專家, 紛紛走出來接受訪問講意見, 剖析死者心理狀況, 其實總覺得有時針唔拮到肉就唔知痛, 平時可能會好識得在人家唔開心之時勸人放
開一點, 唔好做傻事, 但當輪到自己之時, 永遠都係當局者迷, 好難有解決方法, 睇見專家話一對子女絕對有生存權, 而且社會會幫佢地成
長, 但係話就係咁話, 一對子女以後的成長都會承受唔少壓力, 亦未必可以健健康康的成長, 與其痛苦幾十年, 不如重新開始仲好, 當然呢
種係青蛙仔另類的想法, 最好就梗係連父母都諗得通, 唔去尋死啦!
真係好佩服傳媒的神通廣大, 燒炭滅門的一家四口全家福合照可以清清楚楚刊登在報紙頭條, 其實係唔係真係要報導得咁徹底呢? 雖然青蛙仔都會好奇睇下會唔會係熟悉的人, 但望過唔識之後都唔敢再睇幅圖了, 不過仍然都睇到內文提及,【輸命皆因贏錢起】, 當事人因為一次刀
仔鋸大樹, 十蚊贏十幾萬之後就以為自己【唔賭唔知時運到】, 此後沉迷賭搏, 當然幸運之神唔會永遠都照顧住一個人, 後來賭運一落千丈,
以致欠債累累而走上末路, 其實青蛙仔覺得, 永遠都係小賭可以怡情, 大賭令人亂性, 賭同埋毒呢兩樣野真係唔掂得, 如果有人勸唔聽的話,
青蛙仔一定會好決絕的放棄佢地, 話之佢有幾親都無得傾!
最近睇左好多好多有關電影【大隻佬】的報導, 套戲似乎好有誠意同內涵, 不其然對呢套戲好有期望, 【萬般帶不走, 唯有業隨身】, 青蛙仔已經可以諗好多野, 而且唔明點解要用呢個業而唔用呢個孽, 好希望睇完套戲之後可以有所領悟, 令人閉塞頓開就好了, 佛家的思想, 有
時都值得人去思考與學習, 祗要唔係虛偽的教徒, 邊個教派都應該值得人敬重!
又到周末, 今日有成十個人一齊去利舞台睇【大隻佬】, 因為真係幾爆滿, 連第一行都坐了人, 俾著青蛙仔就寧願唔睇了, 套戲係青蛙仔期望左好耐, 完全無令人失望, 一開場已經係重點推介, 成套戲的格局都好完整, 青蛙仔唔想講劇情去影響想睇的朋友, 個人覺得套戲有好高分數, 但散場之時後面有個女仔竟然話唔好睇, 青蛙仔都忍唔住答左句:唔係下話? 真係唔知呢d人想人拍咩出來俾佢睇先滿意! 事實上套戲有唔少地方會令人思考, 【萬般帶不走, 唯有業隨身】係重點, 青蛙仔卻欣賞【因果係公道的】呢一句, 無錯丫, 好多野係整定的, 亦無得解釋無得怨, 順其自然最好!
其實尋晚都兩點幾先訓, 但今朝好早就醒了, 去了一次洗手間之後再上床訓, 點知好似一直都聽到張柏芝在耳邊講【萬般帶不走, 唯有業隨身】, 心諗唔係咁邪掛? 其實到時真係想帶走咩野呢? 學劉德華話齋, 臭皮囊姐, 身外物都無可能帶走, 其實如果可以的話, 可一世可以逐
個撞番今世的好友, 按圖索驥的相認都幾好丫, 不過係唔知人地想唔想同你再過多一世吧, 張柏芝接受訪問時話最好咩都唔帶走, 用一個全
新姿態去過下一世, 都係幾好的選擇, 總之唔可以帶d唔帶d, 好似飲左一半孟婆婆咁, 記憶含糊, 又死都記唔起, 最慘就咁了, 大家又想帶
走咩野?
今日係中秋節正日，祝大家中秋節快樂，人月兩團圓，食多兩件月餅！
睇新聞見到尋晚全港市民出來過中秋, 又製造了唔少垃圾, 可幸的是大部份都放在垃圾桶, 證明大家對清潔的意識都提高了, 青蛙仔同朋友尋晚都一樣咁識做, 絕大部份的垃圾都放了在垃圾桶, 總算盡了公民的責任, 希望在來緊的聖誕節, 全港市民都一樣緊守自己崗位, 令香港變得更美麗就好了!
放完一日假之後又要返半日, 真係唔願返, 今朝似乎多了唔少騎呢人來, 所以青蛙仔同拍檔的心情都麻麻地, 尤其係拍檔, 對來客少了點耐性, 攪到有位後生仔唔多滿意佢表現, 青蛙仔幫佢攪好手續之後, 佢好唔甘心的走去拍檔的櫃檯前同佢講, 叫佢唔好將怨氣發洩在人客身上,
拍檔當然唔承認, 但亦唔想同佢嘈, 祗係話多謝佢意見, 但個後生仔仍然唔滿意, 仲話會記住時間同窗號, 之後就走了, 其實客戶服務的工
作者一日對百幾二百人起碼, 好難話對個個都咁好聲氣, 遇到唔好的客人, 有苦自己知, 又有咩渠道可以投訴? 客人每日都有機會對客戶服
務員, 每日都要求要有今時今日的態度, 一下子人家俾唔到佢, 就會大條道理的去投訴人, 唔滿意的仲要係一個十八歲仔, 係唔係家裡的服
務太好, 稍有待慢就會覺得失去好多呢?
今日係全民換領智能身份證的第一階段開始, 1968同1969年出生的市民可以在智能證中心辦理換領手續, 雖然政府己有龐大的宣傳, 但總會有人係唔知詳細情形, 所以今日每個櫃檯都有唔同的人來詢問有關事宜, 其實元朗人事登記處係唔列入智能證中心, 所以好多人都撲個空,
以為有得揍, 其實青蛙仔都覺得係會有混洧, 但如果唔分開的話, 情況將會更混亂, 祗要市民肯留意時事多一點的話, 應該係唔會有問題的,
另外, 唔知係唔係郵政處攪宣傳攪得更好, 因為好多人都知道換智能證係會送一年電子證書, 而且好似話會有抽獎, 於是好多人都慌死蝕底,
咩都99問, 最緊要問有無野送, 但其實青蛙仔心諗, 閣下係唔係咁需要呢個電子證書呀? 青蛙仔上網咁多年都未使用到呢樣野, 睇佢衰樣都
唔似好識玩電腦, 咁緊張有無e-cert做咩呢? 雖然人不可以貌相, 但總唔信真係咁多人有用! 有d人仲好笑, 個十一歲仔換證, 佢都好緊張地
問有唔係有e-cert送, 青蛙仔問佢咁細個要來做咩, 對方竟然話可以用佢個仔的account來落注, 哈, 真係唔得佢死!
晚上睇電視, 連續兩個唔同節目都係懷舊, 青蛙仔訓在床上好留心的睇, 覺得真係好有趣, 證明人老就會懷舊, 懷舊的節目, 電影, CD, 往往都係銷路的保證, 今晚港台的節目提及羊群心理, 忽然觸動了青蛙的心靈, 無錯, 香港人的羊群心理真係處處可見, 大如七一遊行, 中如
疫埠搶米, 細如一個討論區都一樣會有, 人云亦云, 一窩蜂湧去做一件事, 祗係道聽途說就信以為真, 好多人都唔會探討真相就跟風去踩人
傷害人, 而且不少人都係知識份子, 咁樣對受傷害的人唔公平不等特止, 仲益左妖言惑眾的人, 令社會秩序大亂, 要好耐先可以平復, 但青
蛙仔總係相信以誠相待, 以德服人, 做人最緊要黑白分明, 青蛙仔絕對唔會因貪玩而埋堆, 玩得唔開心就寧願留在家中算了, 朋友唔係睇短
線, 大家放長雙眼, 百練鋼的朋友先係真朋友!
呢兩日屋苑維修電梯，青蛙仔層樓有部電梯要換零件, 要整成個星期，兩部剩低一部就變得繁忙起來，尤其朝早，當望門興嘆，走左部電梯的話，高層住客就要等好耐，雖然係幾分鐘，但見到層層停, 有排都上唔到來, 真係有點地老天荒的感覺, 不過住高層都有點好處, 就係上
到來一停有空間站立, 但一路降落時, 就會越來越少位, 甚至有人連埋單車一齊入, 好快就會爆滿, 遇到面皮厚的人會用趕時間來做藉口,
監生逼入電梯, 面皮薄的又要再等下一轉, 都幾慘, 呢個故事證明平時兩部電梯好地地, 日日如是一定唔會覺得幾有用, 一旦出事就會覺得
原來都幾重要, 但如果習以為常之後, 又發覺原來一部電梯都係咁用, 久而久之, 可能唔再重開都會無人理會, 無甚大不了, 但其實一部電
梯總係有其好處, 人與人之間的距離似乎拉近了, 因為好容易就會撞口撞面, 在電梯相遇, 亦因為好少機會會一個人搭電梯, 大家互相監視
之下, 少了對電梯的破壞, 真係有好有唔好了!
相信近來大家都聽過【快閃黨】, 今朝睇報紙又有佢地的無聊行動, 尋日有幾十個鬼仔鬼妹同一時間走去麥噹噹跳芭蕾舞, 玩紙巾, 一分鐘後就迅速疏散, 雖然對餐廳並無做成大影響, 客人亦無受驚, 但青蛙仔極不欣賞呢班人的行為, 而且記者訪問佢地, 仲反問記者有何不可,
完住係理所當然, 理直氣壯咁, 相信連警方都唔會奈得佢地何, 真係希望網上的年輕人唔會貪得意加入埋佢地, 捐人不利己的行為絕對唔應
該鼓勵, 希望佢地上得山多終於虎, 會有應有的報應!
自從廣管局放寬電視廣告之後, 幾乎每一個電視節目都會有廣告商贊助, 變成個節目名好似水蛇春咁長, 亦令大家知多了連聽都未聽過的商品, 最多就係xxx香薰沐浴露劇場之xxxxx, 又或者係xx牙膏特約之xxxx, xxx活色洗髮露, xxx消毒藥水劇場, 甚至連學校都可以特約, 【小
孩不笨】就係由太古城xx記念學校特約, 真係幾攪笑, 青蛙仔成日行超市, 有時真係聽都未聽過呢類沐浴露同洗髮水, 其實會唔會係國內先
有得賣, 定係已經新打入香港市場呢, 大家睇完套電視劇之後, 又會唔會買來試下呢?
返到屋企樓下見到同層住隔離的男仔抱住個BB, 青蛙仔覺得好出奇, 因為青蛙仔搬來五年幾, 睇住佢大, 睇住佢換成人身份證, 今年先係十九歲, 竟然有個BB? 忍唔住同佢求證, 佢好尷尬地笑話係佢的, 青蛙仔都唔知講咩好, 祗有頻頻話你大個仔了, 但個心諗, 呢種行為卻不是
大個仔的表現, 未夠廿歲就有仔, 好聽就話好快會甩身, 唔好聽就話唔知養唔養得掂老婆同仔, 況且人生遙遙長路, 咁快就有個絆腳石, 真
係會天長地久咩? 青蛙仔唔係咒人地, 但事實真係唔信有!
早上睇娛樂版, 又見到有罵戰的鬧劇, 事緣係選美餘波未了, 二三百萬人收視之中祗係幾人投訴男司儀著泳裝不雅, 但【大班】同【阿茶】就似乎咬住人唔放, 踩多兩腳, 【金毛小丑】同【衣著無品味】來贈與對方, 可知男司儀一向認慣叻, 絕非省油燈, 點會俾人話下就算, 於
是一一還擊, 【遲鈍不化】, 【細台】, 【收聽率低, 借故針對】, 【無可能做到電視台主持】, 又講到幾大快人心, 其實當晚青蛙仔有睇
呢個節目, 覺得三位男主持都係泳裝上陣, 祗係【叻哥】條褲就少布D, 但外面都加了一件透明衫, 真係唔覺得有幾不雅, 學佢話齋, 泳池邊
唔著泳褲唔通著踢死兔咩, 佢又無做任何不雅動作, 其實都可接受, 呢兩位電台主持一向嘩眾取寵, 似乎係搏出鏡多過覺得佢不雅, 其實
【叻哥】都唔係話認叻就囂張跋扈, 都會睇人睇場合來窒人的, 記得多年前的青蛙仔曾經參加電台的歌唱節目, 訪問青蛙仔正是當年憑認叻
走紅的【叻哥】, 青蛙仔覺得佢非常友善, 好識照顧人, 後來在某些場合見到佢, 佢仍然認得青蛙仔而打招呼, 所以今次事件, 青蛙仔覺得
佢都知道人地借佢過橋先會咁唔客氣去對付對方, 佢又講得0岩, 佢兩個真係未夠班!
夜晚在家睇到兒歌頒獎, 發覺有些偶像歌星似乎不屑唱兒歌, 但礙於要佔有市場, 增加曝光, 逼於無奈的要出來, 唔單止【曬】呢兩個男仔係咁, 唱半首我是個茶壺都走音, 首超人歌更加不知所謂, 你話點唱流行曲, 連【川氏】都係咁乞人憎, 到最尾宣佈大獎之時, 完全心不在
焉, 兩個掛住傾偈, 青蛙仔好奇怪佢地有咩咁重要一定要在此場合來傾, 因為佢地明知自己得獎, 所以完全唔尊重個遊戲, 繼上次電影頒獎
之後, 青蛙仔再一次對佢地失望, 反而【高妹】唱得不知幾起勁, 【家燕媽媽】亦話俾大家知, 咩叫敬業樂業, 李紫昕更加係堅持唱現場,
你估唱兒歌真係咁易? 無番咁上下感情根本就唔係兒歌, 青蛙仔鄙視呢兩對組合..........一晚咁多啦, 希望佢地的唱片公司會有人提點佢
地!
晚上聽住山口百惠的歌, 如泣似訴, 聽了廿幾年都唔厭, 不其然想起近幾日報攤的主角係樂壇大姐大患病消息, 而今日佢亦勇敢的站出來證實了, 實在令人黯然神傷, 可能新一代的年輕人唔會覺得佢有咩豐功偉蹟, 況且近年已經唔見佢的歌有幾流行, 但事實由佢出道開始, 佢的
音樂一直影響了唔少人, 舞台上的丰姿更加一時無兩, 快慢歌都可以把握得咁好的, 真係無乜幾個可以做得到, 一開始參加歌唱比賽已經鋒
芒畢露, 青蛙仔覺得數十年來的歌唱比賽祗有一男一女係實至名歸, 絕無造馬的就祗有學友同佢, 梅姐的風的季節一出, 真係技壓全場, 拋
離對手幾十馬位, 個個輸得心服口服, 繼而正式加入樂壇, 每一張唱片, 每一次上舞台都係一絲不苟, 俾唔同的驚喜樂迷, 一直到今時今日
都唔可以有新人代替到佢, 而且聽聞佢為豪氣, 一擲千金以至理財不善, 加上感情常常受挫, 以酒忘情, 折鬱加上酒精的刺激, 真係唔病都
幾難, 前輩歌手走下一個, 走下又一個, 希望梅姐佢可以撐得住, 情場時常失敗的她, 呢舖一定要贏呀!!
食過早餐睇下報紙, 發覺一連幾版都係講及政府決心要攪好衛生的新聞, 包括嚴打垃圾蟲, 整頓街市市容, 公屋衛生等等, 好似真係幾有決心, 希望唔好虎頭衹尾, 繼續keep住檢控犯例的人就好了, 有人提議要公開垃圾蟲的名, 以增加阻嚇, 其實都未嘗不可, 不過既然呢d人咁厚
面皮通街丟垃圾, 都一定唔怕公開名, 最好就真係罰佢地做社會服務, 叫佢地掃街, 唔做過呢樣野, 佢就唔會知道隨便丟垃圾係幾咁乞人憎,
至於被人捉到而反抗打人的, 一定要重判, 收佢監通佢櫃就最好了, 咪以為靠惡就可以亂來!至於街市可能唔再有活家禽賣, 要改由中央屠宰, 青蛙仔又不敢苟同, 因為就算冰鮮雞點鮮都好, 點都唔可能同活生生的比, 而且來源亦唔知可唔可靠, 雖然禽流感係厲害病毒, 但祗要加強巡查, 一定要強制街市檔主注意衛生, 應該無問題掛!
今日係農曆七月十四, 以前細個總係好驚呢d日子, 又話成個月都唔好去夜街, 因為鬼門關開放, 出街好易被鬼搵替身, 漸漸時代轉變, 新一代的年輕人直頭都唔知咩係盂蘭節, 叫佢唔好去夜街就更加無可能, 不過相信潮州人的家庭會比較重視呢個節日, 今日可能會做節, 屋企大
魚大肉都唔定, 而且舊區仍然係仲有神功戲做, 俾一班老街坊食飽飯去欣賞, 鑼鼓喧天, 有時仲會做到深夜, 真係乜鬼都嚇走, 唔知而家邊
區有大戲睇呢?
睇到娛樂版報導香港的粗口樂隊即將解散, 成員慨歎廣告商, 唱片公司及樂迷皆現實, 連告別演唱會的飛都去得唔好, 並唔順【川氏】可以咁紅, 又話廣向商祗識搵【星爺】, 青蛙仔睇到真係覺得好好笑, 一位歌手或一隊樂隊能唔能夠走紅, 係好靠天時地利人和及自己努力, 唔
係話講下粗口咁簡單就會有樂迷捧你, 【川氏】兩位後生女的唱功無疑係唔好, 但佢地都俾人睇到好努力去改進與學習, 況且就算好多人唔
鍾意佢地, 但無可否認, 佢地都係靚女, 如果有人話佢地唔靚, 根本就講唔過, 生個女好似佢地咁都算唔錯掛, 個聲色藝都起碼有三份二合
格, 但粗口樂隊的成員又如何? 除左做打碟的睇得下之外, 其他個個樣衰無倫, 歌藝亦唔見得好過【川氏】, 極其量係叫做識玩音樂, 而音
樂係好主觀, 根本無話好與唔好, 靠噱頭爆出來一陣子, 好快就無以為繼, 大部入樂迷都唔係無理智的, 唔再捧佢地係理所當然, 失勢之時
並無檢討自己有無問題而怪罪其他人, 邊會有人可憐架, 雖然青蛙仔一向唔喜【星爺】, 但佢地同【星爺】個級數, 仲差十萬八千里, 邊有
得比呀?
去到附近的商場, 發覺【噢嬋】擺了檔攤在地下中央, 十幾張椅都坐滿了人, 都在歎緊按摩椅或腳部按摩, 表情都好似十分舒服, 享受無邊, 青蛙仔好疑惑, 呢重產品郁下都要過萬幾二萬蚊一張, 就算腳底按摩器都要四位數字, 係唔係真係咁多人可以負擔得起呢? 香港人真係太勞碌, 真係好需要消除疲勞, 但以香港的居住環境, 要放一張攤開幾呎乘幾呎的椅在家中真係唔易, 有時真係好想睇下有幾多個試完之後係會
掏腰包出來俾錢買, 但睇佢地個樣, 唔試番三五七個字都唔會捨得走, 青蛙仔真係無咁多時間等佢地, 不過有樣野可以肯定, 雖然青蛙仔未
試過呢樣野, 但一定唔會鍾意呢類機械式按摩, 而且張椅的角度再加上震震貢, 真係想唔暈都幾難, 賤命即係賤命, 咪攪!
尋晚忽然同朋友傾了一個嚴肅話題, 說及平安紙及買保險的話題, 青蛙仔覺得一個中年人係話唔埋, 其實到了咁上下就應該有些準備, 因為一個唔覺意之下, 可能有好多野都無人知, 同埋唔知點分配, 雖然青蛙仔唔係有錢人, 但起碼都有層未供完的樓, 亦有些物品唔想隨意丟去,
所以係有必要買份保險, 有咩事的時候, 層樓都會有保險幫手供, 有些身外物, 雖然可能俾都無人要, 但總算有點記念價值, 預早講明送俾
邊個, 到時就唔使拿手唔成勢, 其實青蛙仔都有位好熟的律師朋友, 搵佢幫手寫平安紙就一定唔使錢, 不過層居屋cheap得緊要, 現金又唔係
多, 垃圾就一籮籮, 寫出來驚俾人笑, 所以一直都唔敢煩人地, 希望可以有命捱到退休, 有少少退休金, 同埋供甩層樓之後先再作打算, 唔
知大家有無識朋友已經寫定平安紙, 而你又係承繼人之一呢? 青蛙仔未聽見過有朋友做呢樣野, 可能佢暗地做左無人知, 不過估計中國人都
比較忌諱, 唔想提呢樣野, 況且又唔係幾千萬未開頭, 都唔會刻意去做, 但其實平安紙同買保險都差唔多, 都係未雨綢繆, 寫完買完又唔會
真係有事, 早有安排都係好丫!
自從最近工作要對指紋機之後, 真係發覺好多人都有出手汗的習慣, 青蛙仔的手汗祗係小巫甩大巫, 有好多人真係不停的出手汗, 有水份影響之下, 好多時都唔可以成功核對, 因為青蛙仔同同事就要好耐心的對呢種客, 女的就由同事幫手, 男的就由青蛙仔負責, 幫佢地又用酒精
紙巾清潔, 然後又用乾紙巾印乾, 真係要九牛二虎先攪得掂, 好在呢類人都有自知之明, 知道錯不在部機, 係佢自己手汗大, 所以好多事佢
地都自動講唔好意思, 走之時亦會講唔好意思, 其實青蛙仔成日都覺得手汗大的人係唔會壞, 因為佢地根本唔可以做虧心事, 有少少野都成
手汗, 實會俾人發覺啦, 仲邊會講到大話丫, 大家認為係唔係?
朝早落車行番公司段路，久唔久會見到有個男人在街邊洗紙皮箱，開頭都唔知佢做咩，後來諗諗下先知佢應該係用水來【呃秤】，因為紙皮箱係可以逐斤秤來賣，索了水的紙皮自然會重一點, 個男人都幾奸詐, 紙皮箱可能已經唔使錢執番來, 拎去賣之時再欺騙人, 但青蛙仔又諗,
無理由對方俾錢又俾得咁順攤, 係唔係因為太平的緣固呢, 真係一個謎! 講開呃秤, 想講少少題外話, 十二星座之中的【天秤座】, 好多人都會讀成【天平座】, 但其實呢個秤字明明係呃秤個秤, 青蛙仔一向都讀秤而唔讀平, 俾人一個怪怪的感覺, 唔知大家又點讀呢?
尋晚坐巴士, 隔離的男人忽然好有禮貌問青蛙仔借電話打, 因為佢電話剛好無電, 青蛙仔考慮左兩秒就借俾佢, 不過可能電話唔通, 佢好快就還俾青蛙仔, 電話號碼亦留在青蛙仔部電話, 其實如果在街上俾人問借電話, 青蛙仔就一定唔會借, 但在巴士上, 又坐隔離, 量佢都做唔出咩野, 不過青蛙仔事後諗, 雖然係好簡單的事, 亦唔使猜度人地會唔會害自己, 但如果借俾佢之前之按了133然後先叫佢撥號, 可能自己就更安心, 人與人之間已經充滿隔膜, 如果再唔信人, 呢個世界就會更冷了, 俾著您, 借唔借?
在巴士上睇娛樂版, 報導西班牙球隊訪港期間, 香港富豪會替他們舉行籌款晚宴, 呢班球員的排場都幾大, 定下【食飯規條】, 所有出席的賓客皆不可以與球員影相, 握手或簽名, 以保障球員在出賽前不會發生意外, 青蛙仔睇完真係【超】一聲, 食餐飯同你影張相, 閃燈會閃盲
你咩, 握下手, 簽下名, 會唔會簽到你殘廢呀? 大把政要來香港都唔會有呢種規條, 【溫總】來香港都不知幾親民, 或者青蛙仔唔喜歡足球
運動, 所以咩【萬人泥】【哨牙度】, 青蛙仔都唔覺得有咩咁特別, 使唔使咁巴叉閉呀, 好在青蛙仔飲慣水仙, 唔識欣賞呢D西班牙烏蠅!
等巴士返工之時，有區議員的助手請乘客簽名要求巴士公司減價，但當有乘客話已經簽了，但對方竟然話唔緊要，可以再簽，青蛙仔覺得佢地好造馬，點可能簽完又叫人再簽, 一個人會唔會簽幾次架? 呢種簽名本來都唔會有效，巴士公司點會咁易受理，就算收集埋十萬八萬個簽
名又如何，你估人地唔知你地係求其搵人簽咩，一個簽幾次又唔定，一家幾口連貓連狗都簽埋又唔定，完全無公信力, 講真丫, 巴士公司所
有的決定都係利益為大前題, 賺錢之餘可以提供更佳的服務就已經還得神落, 就算開新路線又好, 唔加價都好, 未必會係區議員收集下簽名
就會令巴士公司有所改變, 所以好多時佢地有橫額掛出來話已成功爭取乜乜物物, 青蛙仔都唔信係佢地功勞, 佢地係就係做過野, 但希望真
係為了大眾而做就好了!
所謂千金難買心頭好, 睇報紙見到排隊買波飛的球迷, 展示佢辛苦幾日得來的幾張飛, 個樣真係好似苦盡甘來一樣, 付出了時間, 汗水, 精神與金錢, 終於換來了並非世紀之戰的賽事入場券, 呢種亦可以講係體育精神, 可惡的係當中有唔少令呢樣健康的運動被污染的人, 包括打
尖插隊, 賣位, 炒貴飛, 唔知呢班人有無羞恥之心, 人人都堂堂正正去買飛, 佢就做呢種唔見得光的事, 行出街到底抬唔抬得起頭做人, 除
卻呢種人之外, 可幸亦見到友情可貴, 幾位志同道合的朋友, 一齊捱更抵夜去排隊, 感情一定增加不少, 成世都會有機會講番今次經歷, 亦
見到親情可貴, 老人家陪後生一齊排, 呵護備至, 令人感動, 更見到人與人的距離拉近了, 成班不相識的球迷就在排隊的時候認識了, 當中
可能亦有因此成為朋友, 緣由此起, 青蛙仔最喜歡呢種!
今日份份報紙的頭條都係講及高官有新繼任人選, 不過青蛙仔都係求其揭兩揭就算, 青蛙仔對唐先生並無深刻認識, 所以都唔了解佢會唔會真係對公務員不利, 而李先生都曾經係青蛙仔的頂頭上司, 而且青蛙仔的廿年服務獎就係由李先生手中接過來, 祗感覺佢係一位幾和善的人,
辦事能力一定唔會差, 其實而家都唔會知佢地將來會有幾多功績, 又係一句, 俾D時間佢地, 騎驢看唱本啦!
皇馬終於旋風抵港, 可惜主辦單位似乎未能令球迷滿意, 大班球迷在機場等球星, 原來祗係驚鴻一瞥, 之後的練習又話取消, 祗係在球場搵三位成員開記招頂檔, 又令球迷失望, 雖然青蛙仔都好明白班球迷的心態, 但自己唔喜歡足球運動, 兼且亦對班球星認識唔深, 就算係【萬
人迷】, 青蛙仔都唔覺得佢有咩咁萬人迷, 尤其係最近聽完佢講野把聲, 完全都唔襯個人, 加上佢近年好似老得快, 影佢近鏡之時都祗係覺
得佢係一個普通的中年男人, 真係驚阿梅姐見到佢真人之時會好失望呢, 哈! 【萬人迷】的fans, 青蛙仔得罪了!
今朝娛樂版報導【天濛光】宣傳【兩隻熊】, 同記者講佢為左部戲扮監躉, 因為監躉好食好住, 所以佢要增肥現大肚腩, 拍戲之前一段日子每餐食四五碗飯云云, 青蛙仔睇見真係嗤之以鼻, 估唔到一向自命清高的【天濛光】都要為宣傳亂講野, 監躉一定係肥的理論都唔知邊度得
番來, 一餐四五碗飯又有幾大先, 係唔係去茶樓飲茶的碗仔咁大先? 其實青蛙仔覺得佢開始中年發福就真啦, keep fit真係唔易, 唔係人人
都可以好似劉華咁肯努力, 唔係話吹水唔抹咀就代表有演員道德, 實際行動始終都係重要的!
今晚終於開波了, 相信大家都會好興奮, 連唔喜歡睇波的青蛙仔都在房度開了三色台來睇, 氣氛真係好熱烈, 無論贏輸都好啦, 香港人好耐無咁開心了, 有多幾場呢類比賽確實係令人振奮, 不過今朝睇新聞片, 報導尋日練波情況, 有女球迷迎頭被省中波餅, 即時好似唔知發生咩
事咁暈陀陀, 小球迷就被射中肚腩, 當場喊出來, 唔知佢地有無後悔去睇練習, 定係覺得成為為新聞人物與有榮焉呢!
唔知點解今朝落車步行往公司之時, 隨口唱了幾首舊的電視主題曲, 年份有耐到好多人未出世的七十年代歌, 上海灘, 風雲, 大亨等, 大多數係旋律簡單而工整, 但歌詞就值得人回味二三十年, 好似【風雲】的是誰令青山也變, 變了俗氣的咀瞼, 又是誰令碧海也變, 變作俗流滔
天, 【大亨】的何必呢, 何必呢, 可知一切他朝都會身外過, 得的多, 還失的多, 升得高的終於都會低墮, 何必呢, 何必呢, 拋開一切束縛
身心疆鎖, 且向心內, 仔細追尋, 找那安然既我! 忽然好想唱K時唱!
今朝返工等過馬路之時，見對面有一僧人惡形惡相，似足小說的奸人扮和尚，因為元朗的交通燈要好耐先轉燈，青蛙仔見到個僧人個樣好唔耐煩，非常monk樣, 完全唔似一般和尚的悠閒樣, 雖然未轉燈, 但已經無車, 於是個僧人就即時匆匆的向住青蛙仔方向急步, 此時青蛙仔再
望真佢, 祗見佢背住的布袋有個圖案好特出, 係一個車輪, 青蛙仔心裡即時哦了一聲, 唔怪之得啦!
晚上同兩老去美麗的心食飯, 睇到電視新聞報導葉太呈辭的消息, 特首經已批準了, 可能好多人拍手去蘭桂坊慶祝都唔定, 呢個時勢佢要辭職都係逼於無奈, 青蛙仔總係覺得有點可惜, 其實覺得佢一個女人能夠做到紀律部隊的首領真係好難得, 無論大家鍾唔鍾意佢個形象, 唔可
以否認佢係別有風範, 處事氣定神閒得來係有一定的威嚴, 今次任務未能完成, 唯一可行的辦法就係如此, 確實令人無奈, 到打緊日記之時,
電視又有特別報告, 連財爺都呈辭, 亦被批准, 祗見新聞報導員都好似有點眼濕濕咁, 係可惜兩位的呈辭, 定係覺得香港有救呢? 聽日的報
紙由港聞版到娛樂版都應該猛料如雲, 辛苦了班無冕黃帝了, 希望佢地會中立如實報導, 唔會唔夠料就加盬加醋亂作野就好了!
相信大家都好期望今日的報紙會有好多野爆, 預左司長同局長的呈辭會成為頭條, 不過方向報的編排都好巧妙, 將【舞影行動】的簡述及照片打橫放在左右門神的頭頂, 即係話重要性係平分春/秋色, 青蛙仔在巴士上快速閱覽, 發覺竟然唔係咁有料到, 好多消息都在尋晚同今朝的
的電視新聞睇過, 內幕唔算太多, 所以返到公司都唔係咁耐心去睇, 反而方向報副刊有個介紹數碼相機的特輯, 青蛙仔就幾有心機去睇, 雖
然在短期內都未必會買數碼相機, 但知多一點都好, 起碼第日想買都識得選擇! 放工返到屋企剛剛直播特首開的記招, 唔知點解有好多位記者係都要逼問佢會唔會同香港人道歉, 而佢亦唔知係唔明定係話知佢地, 總之係都唔答會定唔會, 其實青蛙仔覺得而家都唔係講唔講道歉的問題啦, 總之董伯伯講明唔會落台, 亦講明會一力承擔, 大家又不妨再睇下新官上任之後, 到底香港會變成點啦!
呢幾日好似體力透支得緊要, 尋晚仲要頂到兩點先訓, 一訓就訓到昏迷一樣, 好似姿勢無轉過就天光了, 望下個鐘都祗係八點幾, 於是再訓多一陣先起身, 望望自己的頭髮越來越長, 亦越來越鬆散, 難睇兼好唔精神, 於是食過早餐之後就去剪頭髮, 祗係個幾月無去幫襯, 但見到
班junior都已經全部唔同人, 其實呢一行, 除左髮型師係唔會成日換人之外, 其餘的都係流動性好大, 入行做junior的一係就貪靚, 貪有得
成日整頭髮, 一係就雄心萬丈要成為髮型師, 但往往事與願違, 一來收入微薄, 二來時間又長, 仲整到隻手皺皮又或者染了色而唔見得人,
於是好快就做唔長, 不過青蛙仔覺得做邊行都好, 一定要肯捱同埋付出時間先會有成績, 千祈唔可以睇少自己係junior, 其實junior係一間
髮型屋的第一關, 如果連幫人洗頭都做得唔好, 根本無潛質做髮型師, 其實青蛙仔講咁多野, 都因為今日遇到個唔掂檔的junior, 短短幾分
鐘的洗頭過程令青蛙仔非常不舒服, 青蛙仔見佢係新來, 又唔知佢做唔做得長, 都費事投訴佢, 忍左佢就算了!
放工專登行去馬會買六合彩, 因為聽日有暑期金多寶, 今日買定就唔使排長龍, 仲可以有個隔夜希望, 發夢都可以發長D, 可能好多人會話青蛙仔成日提買六合彩, 好似教壞細路, 但青蛙仔又唔係買得多, 六合彩除左做善事之外, 仲係政府認可, 所以青蛙仔唔覺得有問題, 好似就
快有波賭都係, 而家合法去賭, 總係好過非法賭波, 因為唔俾馬會包來做, 賭徒一樣識得搵地方去賭, 而家實報實銷, 有幾多錢先可以買幾
多, 仲好過賭白頭片篤手指, 以前未有六合彩之前, 好多人都唔合法地賭字花, 到政府話攪六合彩之時, 都不知幾多人反對, 話會助長歪風,
結果而家唔係攪得幾好咩, 所以青蛙仔唔係話贊成人賭波, 但真係寧願有合法賭波呢樣野, 官營總係好過地下經營, 應該無死咁多人掛!
今朝睇到段國際花邊小新聞, 古巴有一奇人, 整個頭上的眼耳口鼻舌頭都穿了孔, 一共三百一十六個, 佢係靠同遊客拍照, 收取每次一至二美元為生, 青蛙仔睇見張圖片, 忽然有點頭暈, 真係好難頂, 唔係話佢好肉酸, 而係覺得好痛, 真係唔明點解一個人好好地要自虐成咁, 青
蛙仔成日都講, 真係唔反對人穿耳, 但身體其他的地方穿孔一定會好痛, 亦會流血, 青蛙仔一向怕血, 諗起成頭穿了幾百個洞, 雖然分開唔
同日子穿, 但都唔會話一兩日就會好, 睇怕呢個人長時期都會失血, 命都唔慌會長, 如果青蛙仔係遊客就唔會搵佢影呢d相, 費事發惡夢!
尋晚終於望到八號風球, 諗住今朝未必要返工, 所以都玩得幾夜先下線, 今朝五點幾醒了一醒, 於是開電視睇下風暴消息, 雖然仍然係八號風球, 但照睇路線, 都知颱風好快就遠離香港, 好無癮地關電視, 諗住再訓多陣睇下點, 不過醒起想問候一下外地的一位細佬, 於是就打電
話俾佢傾下閒偈, 本來個天仲未光, 傾到咁上下, 個太陽竟然靜靜地鼠出來, 心諗不妙啦, 連太陽都出來, 仲打乜鬼風丫, 傾完電話之後再
訓多一陣, 然後又開電視睇, 天文台話會在八點半前改掛三號, 於是好唔願意, 死死氣就起身梳洗, 老爸亦買了報紙返來, 青蛙仔一邊睇報
紙一邊聽見電視就話已經改掛三號了, 都預左啦, 於是好整以暇睇埋份報紙先出門口!
新一輪的選民登記又再展開，選舉事務處又派人在各處拉客, 青蛙仔眼見佢地生意都唔係十分之好, 班兼職員工真係要好努力先可以叫到人登記, 青蛙仔自己本身都唔係選民, 所以都好明白人家點解唔登記, 而青蛙仔唔登記就同無回鄉證一樣有異曲同工之妙, 都費事解釋咁多,
其實要一班連書都未讀完又或者腦筍都未生埋的十八歲人士去登記, 真係唔知好定壞, 到底佢地認識清楚選民的權利與義務都未知, 係唔係
都貪得意又或者求求其去投票, 根本就幫唔到手, 未必真係選到賢能出來為民喉舌, 為求一個好看的數字, 夾硬催谷人去登記, 係唔係好事
呢?
尋日同朋友去赤柱遊玩, 之後往淺水灣BBQ, 結果被蚊針左都唔為意, 今日蚊爛先走出來先痕痕癢癢, 應該唔會被【白紋伊蚊】咬掛? 講起
【白紋伊蚊】, 唔知大家知唔知其實呢類蚊係有【白紋】先稱為【白紋伊蚊】, 並唔係一般不知情的人, 以為隻蚊叫【白紋伊】, 因為青蛙
仔聽過一個師奶真係以為咁由來, 其實【伊蚊】有好多種, 白紋就係其中一種, 好, 青蛙仔懶有見識地講完! 哈!
今朝睇報紙報導七一遊行之後，遊行人仕遺下十幾噸垃圾，青蛙仔係咁意亂計一下呢五十萬人之中，如果有一半係好有公德心將垃圾放入垃圾桶，其餘廿五萬又有一半有心無力，想搵垃圾桶又搵唔到，被逼棄置垃圾，其餘十二萬幾的人，當有一半係連一張紙巾都無丟過，剩低都
仲有六萬個無公德心的人，當呢班人上街反呢樣反果樣之時，有無諗過，就算政府同國家做得點好都好，但係國民唔可以修身自律，又點可
以齊家治國平天下呢？上街遊行係佢地的自由，但出來污染地方的話，青蛙仔就睇唔起佢地！
今朝有個客同個仔的對話，青蛙仔聽完覺得幾無奈與感歎，其實一向都見到唔少人係老夫少妻加幼子的場面，即係六七十歲的男人，到晚年就北上搵個二三十歲的老婆，然後又有心有力地老來得子，一家幾口在港團聚，懶係樂也融融，但呢種男人開心得幾耐就真係天知，今日就
有個六七十歲男人，帶住八九歲的仔在填表，可能男人識字唔多抑或睇唔到，於是剩低未填的就叫個仔填埋，個仔又唔係咁順攤，順口講左
句【你唔識填咩？】，個男人即時就話：【叫你填就填啦，唔係俾錢供你讀書來做咩！】，青蛙仔聽完之後覺得呢種父子感情既現實又真
實，有時真係唔明一對夫婦結婚之後，到底生BB係為左乜，青蛙仔估計好大成數都係自私的理由，由片刻歡愉開始，新生命完全無選擇權，
一生出來就要被逼守住所有規條，要聽教聽話、努力讀書、孝順父母，之後要延續生命，一代一代的接力，原因好簡單，人係怕悶怕寂寞、
怕老來無人照顧，亦係上天對控制大自然循環不息的一種方法，想開心就要生仔, 但生完之後點教又無人指示, 睇唔睇得到個仔大又係一件
事, 真係好無奈!
今朝早睇新聞，23條終於要押後二讀，可能好多人會鬆口氣、可能有人覺得打勝杖，亦有可能有人會好失望，青蛙仔係覺得攪事之徒唔可以去圍立法會會失望，佢地又要諗過第二樣野來行動，尋晚提過呢幾日收到呼籲人一齊在七月九日熄燈的訊息，尋晚又再收到之時，青蛙仔諗
住問真佢點解要咁做，對方係個大學生，講個答案出來實在令人搖頭，而且佢又絕對無唔好意思的感覺，佢竟然話因為覺得全部人熄燈會好
好玩，一個大學生都可以咁樣，你話可悲唔可悲丫！
睇見電視播著近年罕有的巴士車禍都幾驚心動魄，真係人生無常，該死唔使病，邊個會估到自己晨早流流返工返學可以咁大鑊丫，初時電視未證有有幾多人死亡, 已經話有六個死者, 返到公司有同事話增加到十幾個, 之後後來者一路將消息帶回來, 最後竟然有廿幾人死亡, 估唔
到沙士都唔可以一日之內殺咁多人, 反而一部巴士就奪去咁多人的寶貴生命!
尋日發生巴士大意外之後, 因為出了街好夜返, 所以都無詳細睇電視新聞, 今日就睇晨早新聞同報紙, 追看一下詳情, 仍然係覺得震憾, 巴士失事鏟出防撞欄, 搖搖欲墜了一段時間, 好像拍戲一樣, 杷信就算幾爛訓的人都會醒來吧, 未跌落山之前, 到底佢地有咩諗, 跌的一剎那
又係點的? 其實會唔會因為在未跌之前, 大家都俯前去看個究竟, 於是巴士先會失去重心而跌呢? 如果當時可以有人指揮若定的叫乘客盡量
退後壓住重心, 會唔會就可以阻止一場浩劫呢? 一失足成千古恨, 回頭已是百年身, 有早知無乞兒, 再講都係徒然!
今日係父親節, 大家有無同父親講聲父親節快樂呢? 青蛙仔在此祝天下父親父親節快樂, 與兒女減少代溝, 開開心心!
唔知大家有無留意一隻老牌胃藥廣告，除左【多勞多得】同埋【陪老細打哥爾夫】之外，最近又有新攪作，【人生不得意事十常八九】，劇中人似足【長毛】，本來有幸福家庭，有老婆有仔，但鏡頭一轉，老婆就跟左個白頭佬遠走高飛，男主角就彈唱消愁，【人生不得意事十常
八九】，仲要加埋胃痛，慘上加慘，好在仔仔叫聲Daddy，遞上胃藥V，又可以重新振作，條片真係好攪野，唔知係唔係影射【A哥哥】，但又
要搵個似足長毛的人來醜化佢，真係戥佢唔抵，其實呢間藥廠年年掟咁多錢出來，真係唔明點解會搵到D咁有水準、咁平民化的廣告公司，難
得佢地又會接受，越出越精警，你話做廣告點會難搵食呢！
朝早在新聞片見到【大班】接受訪問，兩眼有淚光，似乎好少見佢咁軟弱，不過青蛙仔又唔係咁同情佢，祗係覺得佢應該要為自己做主持的言論負責，一間電台都無可能再俾自由佢，來足以影響續牌掛，封咪避一避鋒頭都係應該的，有時青蛙仔都好奇怪，每日都有唔少無聊人打
去電台，真正想講野，言之有物的人總係打唔通，但符合主持人借題發揮的就話咁易就駁通，明眼人都應該知係咩一回事啦，所以唔明點解
有人會咁崇拜佢，其實又係一場遊戲，唔使咁認真啦！
方向報有單細新聞，報導有一大學生於早前利用SARS來呃假期，同公司假稱接觸過沙士病人，有醫生紙證明可以放十日假，但公司唔信佢，打電話向醫生查詢，發現原來佢偽造醫生紙，因而惹上官非，法官形容呢個男仔係【唔願返學的學生】，青蛙仔覺得真係幾好笑，一個大學
生，受咁多教育，仍然都教唔好佢品行，仲要死蠢成咁，正一聰明笨伯，就係咁令自己前途盡毀，真可憐！
尋晚同朋友傾起【飲水思源】的話題，畢竟青蛙仔係老一輩的人，所以比較重感情，唔會咁易忘本，唔同而家年輕人喜歡快來快去，好似青蛙仔一款早餐食足廿幾年，確實唔係個個做得到，但忘唔忘本係人品的問題，好似【發哥】出身於三色台，如今貴為荷里活巨星，仍然會對
大眾講及電視台提拔佢，唔會因為要向外發展而踩自己出身地方，呢種先係大將之風，而青蛙仔覺得無論任何人在任何地方都應該抱有呢種
態度去做人，細如一個網上的討論區，青蛙仔都會記得今時今日有咁多人當自己係朋友的由來，雖然網上有唔少其他討論區，可能比csn23更
快更好玩，不過青蛙仔唔會去做其他地方的新人了，如果網主唔嫌棄的話, 青蛙仔一定會堅守在原地，歸屬感呢樣野唔係咁易培養，後生仔
貪新鮮走來走去係無可厚非，但如果曾經在此開心過但又覺得其他地方好玩的話，要走就走, 無人會攔得住, 不過請唔好俾藉口自己走得好
過點, 夾硬要踩自己曾經一度開心過的地方, 就等於一對情侶感情破裂之後互數對方不是, 青蛙仔覺得呢種人真係好【便宜】!
明周報導【川氏】可能會在明年拆夥個別發展, 忽然有一絲唔捨得, 不過天下真的無不散之筵席, 佢地自己都覺得漸漸成長之後, 無可能再著制服出來扮細路見人, 反而分開向自己長處發展仲好, 所謂見好就收, 唔想在佢地聲勢下跌先拆夥, 寧買當頭起係明智的抉擇, 到【千機
變】香港同全世界上畫之後, 相信仍地仲會更受歡迎, 分開拍戲同唱歌, 可能會威脅到某些天后都唔定, 不過將來佢地的fans實會鬥餐飽,
因為而家一齊出來表演都已經有好多唔生性的歌迷淨係捧一個而踩另一個, 如果分開發展, 一定又會有罵戰出現, 到時可能又會傳出佢地不
和的情況, 又會有戲睇了!
報載【鋒霏戀】的男女主角復合的消息, 竟然用【人贓並獲】來形容, 青蛙仔覺得真係好好笑, 到底人地有咩唔見得光要俾班文化界咁樣形容? 祗見圖片中女主角的笑容確實似係由心度笑出來, 證明女人應該係比男人心軟, 無論經歷千山萬水之後, 祗要男方肯回頭是岸, 萬大事
都總有商量, 大家亦唔知男方曾經做過咩野去修補破鏡, 但青蛙仔成日都講, 潑了墨在白恤衫係永遠都會有痕跡, 心中點都會有條刺, 就算
今時今日再接受對方, 將來有咩風吹草動, 點都會挖出來講, 況且男方始終都仲係細, 野性難馴, 青蛙仔仍然都唔信年齡差咁遠會天長地久,
有得開心就開心下先啦!
臨近七一，青蛙仔俾唔少朋友問及會唔會去遊行，青蛙仔當然係斬釘截鐵的表明立場，唔係話做公務員就幫政府，而政府確實已待青蛙仔不薄，廿三條對青蛙仔呢種人根本唔係一個問題, 講真, 青蛙仔亦唔清楚廿三條的全部, 但亦好肯定唔係一定個個話會出來遊行的人都明白, 祗係知道, 雖然有好多好多人都有怨言及反對, 但唔好忘記, 比例一定及唔上無意見及贊成的多, 咁呢班人又點可以代表埋其他人去反對呢?
晚上睇新聞, 政府真正立定決心嚴打垃圾蟲, 將定額罰款由六百提高到千五, 忽然有點激動, 香港三十年來的清潔運動, 根本係失敗, 香港人自私自利, 慣性動作, 影響別人, 到了今時今日, 因為有SARS令大家覺得唔乾淨係會威脅性命, 所以都多了人注重衛生, 但仍然都一樣有
唔少人亂丟垃圾同煙頭, 甚至放飛劍, 真係好希望政府今次可以拉多D呢類人, 罰到佢地入肉就會改了, 至於反抗仲要惡人先告狀甚至打人的
人, 除了罰款更應該判刑事罪, 等佢地唔好以為靠惡就得, 犯了事就係要被制裁的!
今日係世界不吸煙日, 到底有幾多人會知道呢? 其實吸煙危害健康肯定係人人都知, 但仍然都仲係有人會花錢去危害自己, 呢一點自己唔係煙民係唔可以解答, 有時人地食煙係人地的事, 本來都無所謂, 但最令人討厭係一些無道德的煙民, 在非吸煙範圍內照吸煙, 由得煙灰隨處飛, 仲隨地丟煙頭, 有些隨處丟煙頭都算, 仲要揀坑渠來丟, 攪到渠道瘀塞, 影響深遠, 青蛙仔唔可以阻止亦唔可以拉佢地, 但如果見到呢種人, 心裡一定會講聲: 【賤格!】
尋日SARS零感染，青蛙仔都幾開心，眼見街上越來越少人戴口罩，但青蛙仔仍然戴得好自在，出門口前都會戴上口罩，其實人多地方戴口罩係有好處，除左避免傳染SARS之外，其實亦阻隔了部份由空氣傳染的病毒，大家可能都察覺到患傷風感冒的人似乎係少左，相信口罩係應該
佔了一功，不過遲下天氣再熱一點，大家一齊放棄口罩之後，空氣一向差的香港又會充滿病毒了，到時大家請保重！
唔知大家對自己個身份證張相滿唔滿意呢? 會唔會收到密一密, 唔俾佢曝光見人呢? 青蛙仔眼見好多後生女拎身份證的時候, 如果同埋朋友一齊來拎, 多數都會遮遮掩掩唔俾朋友睇, 青蛙仔就唔明, 如果唔想人地睇, 又會同埋人地一齊來拎, 尤其係男朋友, 唔知到底係玩抑或真
係唔想俾男朋友睇, 直頭好似搏鬥一樣鬥搶, 青蛙仔見到佢地其實都幾親熱, 心諗個女仔同個男仔咁好, 好話唔好聽, 真係咩都俾人地見過
掂過啦, 唔通身份證就係個女仔的底線, 俾個男朋友睇埋之後就無野留得住佢? 其實男女朋友之間, 會唔會真係有底線, 點都會有野唔俾對
方知呢? 如果大家都打開隻底牌來同對方相處, 會有咩後果呢?
尋晚臨訓前不斷行雷閃電, 照到個天好光, 忽然諗起細個時都好驚行雷閃電, 唔知點解總覺得以前的雷打得零舍大聲, 好嚇人, 可能係細個樣樣野都未見過吧, 後來知道了打雷的【程序】, 必然係有光先有雷, 再後來更知道光係快過聲, 所以以後有大雷之時就有充足準備, 見到
閃電就數住一, 二, 三, 四等雷響, 但有時又好攪笑, 閃完電會食詐糊, 等極都唔見有聲, 反而就會好失望, 但有時又會無光都無情情【
澎】一聲, 自然現象真係估佢唔到, 而且以前的電力供應無而家咁穩力, 如果遇上行雷之時, 可能會電力中斷, 所以家家都備有洋燭作不時
之需, 遇上電力中斷, 雖然無電視睇, 但仍然會好開心, 因為有洋燭玩, 到電力恢復之時, 望到對面一家家著光管閃下閃下, 確實蔚為奇觀!
尋晚同七仔講起前世債今世還的事，青蛙仔都有興趣查下三世書，睇下自己有無估錯，因為青蛙仔總係覺得自己上幾世都唔慌好人，於是今世都要不斷【還債】，對一些人真係好似前世欠佢咁，青蛙仔都係甘心命抵，覺得理所當然，但債總會有還完一日，因此呢D債主在青蛙仔生
命中會消失得好快，明明今日都仲係朋友甚至好朋友，但明日已還清債項，亦代表緣盡了，青蛙仔的前半生不斷出現此類人，自己亦習慣與
麻木，每次當然會有唔開心，但好快就會沒事人一樣，因為青蛙仔仲有大把債要還，要來就會來，要走就係咁先，唔好阻住阿叔；另外亦會
有些恃住呢樣野，以為可以成世都做硬債主的人，三分顏色當大紅，青蛙仔初時都會以禮相待，但太過份的話，青蛙仔亦唔係省油燈，一定
會決絕斬纜，希望佢地唔會後悔自己做過的事吧，今日講的野，歡迎對號入座，睇下你係青蛙仔的債主定債仔先！
今日又做替工，朝早有個男人來取證，一雙手不停地震，完全控制唔到，青蛙仔睇見佢都覺得辛苦，亦都幾驚，睇來佢應該係有柏金遜症，記得最初接觸呢類類似的病人係遠在幾十年前，青蛙仔好驚見一個好疏的親戚，常常都重覆做某種動作，沒完沒了，後來大個先知佢某些神
經線有問題，但又無得醫，覺得佢都好慘，永遠都唔可以停下來，一定好累，其實呢種症又唔同柏金遜，因為佢除左不停地郁之外，個人的
智力完全無問題，仲一樣可以結婚生仔，但柏金遜係會越來越壞，動作變得遲鈍，要食藥控制，好多人都將柏金遜同老人痴呆混為一談，用
來講笑話人地就幾時都用得著，不過青蛙仔覺得患上老人痴呆的人比患上柏金遜幸福得多, 一種係知情, 另一種就不知情, 有時唔知情都係
一種福氣, 知得太多徒添煩惱!
今朝睇到一小段國際新聞，美國有一位十九歲青年搵穿孔師將舌頭前端一開二剪開，照片中的青年都幾靚仔，戴有鼻環，伸舌頭出來左右交疊影相，像子都幾趣怪，報紙形容該青年說話口齒不清，但無怨無悔，仲話會帶領潮流，青蛙仔真係唔明點解咁多人自殘身體都咁happy，穿
耳穿鼻都算，仲要攪埋舌頭，平時食野咬到都痛幾日，而家仲話剪開兩截，真係好恐怖呀！
今日馬會舉行大型招聘會, 新聞片中見到成千上萬的失業大軍進駐會展, 蛇餅由灣仔排到中環, 情況仲墟埳過漫畫節, 馬會話表格都派了三萬幾張, 就算一人申請兩個職位, 都有萬幾人到場, 真係好誇張, 再減一半係無所事事去湊熱鬧的人, 都有成萬人真係好想搵野做, 證明好
多人都係好積極咁去搵工, 因為如果睇見條蛇餅已經卻步的話, 連試都唔去試, 又點會有工飛去你面前呢, 好佩服排頭位的人, 晨早就去等
待, 淨係呢份熱誠都值得請佢啦, 況且可以等咁耐, 個人一定好好耐性, 做野都應該有番咁上下, 仲有, 咁辛苦去排隊爭取份工, 睇佢都一
定唔會咁易放棄, 唔會隨便轉工, 至怕係請著人去佢又去, 慌死蝕底又唔知為乜果D人, 唔該佢地唔好阻住真係想搵工的人啦!
最近有唔少女藝人都忽然暴肥，然後就話有纖體公司邀請做代言人，將肥肉展現人前，跟住幾個星期後又回復窈窕身型，青蛙仔總係覺得有蠱惑，有騙人之嫌，如果係剛剛生完仔，又或者係師奶型女星，青蛙仔都信佢地有需要纖體，但有些明明都唔係發福身型，收埋自己一陣出來就變水桶, 唔係自己谷肥搏有公司請就係雙方有協議, 先增後減, 但確實又真係可以減幾十磅, 所以市場雖然競爭大, 仍然係有好多唔滿意自己身材的女士幫襯, 女人錢往往都易呃過男人好多!
最近在網上或報紙睇到唔少諷刺董太的圖文、甚至聲音，真係有點悶膩，一沉百踩，一窩蜂跟風去貼圖，甚至整埋歌，一個老人家，你話佢想出鋒頭都好啦，確實又真係身體力行去做過野，講話香港唔衰得、重覆幾次叫人千祈要洗手，到底有咩唔妥呢？著全套保護衣去又俾人
話，人地係義工，成班都著，做足安全措施，點解淨係佢一個俾人話呢？可能有人話醫護人員都無得著，點解佢可以咁著，大家以為就係佢
著左之後就唔夠分俾醫護人員咩？
世衛忽然解除香港的旅遊警告，今日已經首次係零感染病症的好消息, 當然令香港高官及市民鬆了一口氣，係值得開心，青蛙仔好有興趣知道七月份可以全民免費食一餐的詳情, 到時唔知可以點樣安排先可以一日之內令全港市民奉旨食霸王餐呢? 至於尖沙咀將會建設星光大道,
青蛙仔聽到都好高興, 因為香港稱為東方荷里活, 既然美國荷里活都有條星光大道吸引世界各地的遊客, 香港一樣有唔少世界知名的演藝紅
人, 一樣可以吸引遊客來旅遊, 相信到落成的時候, 青蛙仔都會到自己偶像的星星地板拍照留念!
早兩日世衛解除香港的旅遊警告之後，梁生去蘭桂坊飲番兩杯慶祝，有洋妞見到之後就撲前要搵佢合照，於是第二日就上頭條，青蛙仔當時睇到都覺得佢實會俾人插，果然又有唔少衛道之士人話佢當街同洋妞擁抱，唔知佢太太見到會點諗，又話佢好多野都未做，唔應該出來慶
祝，青蛙仔覺得呢次真係【祗許百姓放火】就【不許財爺點燈】，那邊廂的大球場籌款，幾萬人狂歌熱舞慶祝零感染，這邊廂財爺工餘出來
請記者飲杯野就要俾人話，兩位洋妞又唔係佢夾硬搵人影相，完全係出於自然，見到有名人就黐埋去影張相，好多人都會咁做，真係唔明點
解D人會對佢恨之切成咁，另一方面，青蛙仔又覺得一班盲目去附和人，自己又加把咀去鬧的人都幾可憐，點解係都要咁無主見，唔可以分析
下件事係點呢？
【沙士】個案再跌至最低的雙位數, 希望真係一日比一日少, 青蛙仔做了幾十年人, 都未見過香港人擔心得咁緊要, 日日都話有幾個人死,
確實係令人恐懼, 不過壞消息之中都總算有個好消息, 就係青蛙仔幢屋苑早前雖然有人中招, 但已經超過十日再無新個案, 已經從疫廈名單
中剔除, 不過真係希望管業公司唔好掉以輕心, 繼續要請工人保持消毒與清潔, 大家就安心了!
尋晚成晚行雷閃電，天氣變得清涼，初時蓋一張冷氣被，後來都係覺得凍，要加張毛巾被先訓得著，今朝起身喉涸涸，有點想咳，真係驚冷親, 大家都知啦, 而家咳就真係好擇使, 係人都驚左你, 如果搭地鐵唔戴口罩咳的話, 睇怕成卡車都係你坐都似!
晚上睇電視, 有個節目係介紹藝術家的, 藝術真係好主觀, 在某些人心目中的藝術品可能價值連城, 甚至係無價寶, 不過青蛙仔呢個凡夫俗子真係唔識欣賞藝術, 祗見電視介紹該位藝術家, 似乎甚得特輯的製作人歡心, 佢所製造的藝術品祗係一般人眼中的垃圾來, 但經過藝術家
對手就變成藝術品, 真係令人費解, 其實青蛙仔都有位舊同學係藝術家, 佢真真正正係留學法國學成歸來, 自己開了間藝廊, 青蛙仔久唔久
都有去探佢, 當佢有展品展出時亦會搵人送上果籃鮮花之類, 佢係攪裝置藝術, 所以有時都會用下道具甚至大型物件, 但青蛙仔就真係唔識
欣賞佢的作品, 有時見佢用魚絲吊起幾個青蘋果又話會有人買, 在白色木箱上面舖上彩色軟糖又係藝術品, 雖然視覺上好美觀, 但又似乎係
人都可以做得到, 祗係經藝術家的手去做就係好野, 青蛙仔去砌就係一般蘋果或軟糖, 藝術何價?
臨放工有同事拎本【星期日】出來，青蛙仔借來快速揭閱，發覺本書真係好好笑，內容標題十個有八個都係負面，踩圈中人唔使本，青蛙仔即管揀幾個出來俾大家笑下：【唔妥劉華、眼紅偉仔，黎明發爛渣拒拍無間道III】、【郭羨妮玩報復，幫陳豪搶馬浚偉飯碗】、【肥姐買
野，洪天明吳家樂做阿四】、【行為失常，陳錦鴻無故當街露體】、【鄭秀文拒拍無間道，有陳慧琳無佢】、【城城中沙士毒，租出執笠餐
廳做場景用到盡】、【足球功夫搏宣傳，張衛健狂插周星馳】，到底呢本雜誌用意何在，抑或讀者真係想睇呢類嘩眾取寵的話題，用正面手
法來報導就無興趣呢？
今日係母親節, 青蛙仔先祝天下母親母親節快樂, 而父兼母職的人士, 青蛙仔都祝佢地開開心心, 仔女都孝順! 講起單親家庭, 香港真係有唔少, 最近因為疫症橫行, 更令唔少美好家庭破碎了, 四大女高官有見及此, 率先成立護幼基金, 短時間內已籌得超過二千萬, 真係值得人
讚賞, 因疫症而變成孤兒的小朋友就會得到幫助, 甚至可以幫佢完成大學課程, 因為呢種不幸, 竟然可以令佢人生有咁大轉變, 假若雙親唔
係因為呢件事而去世, 小朋友可能祗會做個平凡人, 未必會讀大學, 雙親的去世會唔會係一種使命, 可以令小朋友成材呢? 父母愛子女無微
不至, 如果真係可以選擇, 你估父母會願意犧牲嗎? 人生交叉點!
今日小學生開始復課，好在巴士站又唔算人多，排在青蛙仔前面的女仔十七八歲，長頭髮眼大大樣子清秀，青蛙仔不期然望多一眼，點知佢講電話之時，忽然大聲向對方爆一句：【我頂你個肺呀！】，當堂嚇到青蛙仔唔敢企咁近，講粗口、食煙、手甲綑黑邊的女仔都會令青蛙仔
倒胃口，美若天仙都係假！
方向報今日報導十七歲青年跳樓連環圖，估唔到祗係同父親吵架就已經咁睇唔開，毫無準備，一時衝動就勸都唔使勸，二話不說就咁大勇氣跳落樓，難為一班因疫症而入院的病人，在ICU仍然共死神搏鬥，為的都係唔想放棄生命，有時唔單止係為自己，仲要為埋其他人，真係唔可
以太自私，當你認為生命重要之時，有人卻棄之，生命何價，邊個可以答得到？
今日係政府宣傳的全民清潔日, 估唔到清潔香港呢樣野, 1972年開始到而家, 超過了三十年, 到今時今日先正正式式落實去做, 如果唔係有肺炎事件, 根本唔會有市民咁注重清潔, 雖然而家仲有部份人係好賤格地隨處放飛劍, 但相信有好多人已經收歛了, 真係唔敢再咁便, 總算令人欣慰, 青蛙仔的家居一向都唔算太污糟, 今日都無刻意去清潔家居, 不過睇見班高官又真係幾好笑, 懶係落手落腳去做場戲, 無論如何都叫做身體力行, 本來佢地唔使做呢d野, 但都出來做了, 大家真係唔好再責怪佢地啦, 天意有呢隻菌, 佢地都唔想的, 佢地仲要去埋淘大食一餐, 你估佢地唔驚架咩, 淨係得把口鬧人, 但都無做過任何野的人, 有無需要反思一下?
晚上電視播汪明荃的音樂特輯, 好多年輕人可能對一個五十幾歲的女人無興趣, 但阿姐係陪住青蛙仔成長的一位出色藝人, 好多人以為阿姐的歌好易唱, 點解佢仍然會唱得咁差, 但其實阿姐的首本名曲根本唔係咁易發揮, 可以講得上係佢先唱得好聽, 大家可以見到幾位所謂嘉賓
歌星唱阿姐的歌, 唱到不知所謂就知青蛙仔無呃你了! 一首【萬水千山總是情】唱足廿年都仲有人記得, 新一輩的偶像歌手會否有此奢望呢?
今晚睇到新聞話青蛙仔居住的屋苑有人中了招, 呢次真人打到來了, 屋企有兩個老人家, 真係令人擔心, 以後真係要叫兩老出入小心, 返到屋企要立刻清潔, 希望呢個個案的家人可以盡量自我隔離, 唔好傳染俾其他人就好了, 唔知大家居住的屋苑有無消毒措施，其實青蛙仔住的
地方都算清潔得頻密，甚至電梯的按掣都話一個鐘頭消毒一次，而青蛙仔亦真係見到管理員有做呢樣野，不過唔知係貪方便定係驚電掣長期
濕水唔好，所以封上了透明膠紙，但【關門】同埋【地下】的位置好快就會破爛，除左使用率高之外，好多人都會用鎖匙尖或者其他物料來
按掣，因此塊膠紙好快就會被篤爛，而青蛙仔會睇情形用唔同方法來按，有時用紙巾、有時用鎖匙，有時都會用手，盡量按最少範圍，大家
又如何？
相大家都知道了政府救市的措施了, 青蛙仔覺得就算政府做得幾好都無用, 一人派一百斤米又好、有身份證的可以領取十萬都好, 都一樣有人嫌唔夠喉, 因為佢屋企可能唔夠其他人屋企多人嘛, 根本而家好多人懶得就懶, 咩野唔妥都話因為非典型, 有非典型就係政府的錯, 好似
今晚睇新聞的訪問, 有人話自己四個月無野做, 而家政府推出呢d措施係無補於事, 大佬呀, 四個月前鬼有非典型咩, 自己無野做坐響到等天
跌野落來就梗係無得救啦, 青蛙仔係一個唔貪心而易滿足的人, 有一季唔使交差餉、一季唔使交水費, 仲有機會退稅, 已經覺得唔錯了, 請
唔好再無建設性地鬧、罵、嘈啦, 大家戴上口罩, 靜少少好唔好?
最近兩日的感染非典型個案下降了, 兩日都唔夠廿人, 出院人數亦上升了, 似乎係一個喜訊, 但另一方面死亡人數亦上升了, 而且當中仲有一位係醫護人員, 實在令人沮喪, 真係好唔明, 其實醫護人員的預防措施一定會比其他人好, 唔知點解仍然日日都有三兩個染病, 雖然醫護
人員的工作就係照顧病人, 食得咸魚抵得渴, 但亦未致於需要處於如此惡劣環境, 咁樣因公殉職, 始終都及唔上英勇的消防員又或者係警察
的殉職轟烈, 因為死者始終係帶菌, 連家人見最後一面都要特別安排, 其他親友及市民想話見最後一面及致敬就更加難, 真係令人黯然, 希
望, 真係好希望, 所有醫護人員唔好因為今次打擊而退縮, 要更加努力去抗戰, 早日搵到解決的辦法, 令大家可以除下口罩呼吸新鮮的空氣
就好了!
娛樂版有一小段特稿，有過氣電視玉女開設的高級齋舖，最近受疫症影響生意，要暫停營業，該女藝人要求業主減租不果，聲稱業主無良，青蛙仔覺得點解一個開齋舖兼且誠心向佛的人可以咁無理，人地跟合約辦事，當初簽約你情我願，如今減就人情，唔減就道理，點可以因為
你一個月生意唔好就會減租，即時就話人無良，你好生意賺大錢之時會唔會主動加租先？青蛙仔都講啦，而家仲有好多食店都好好生意，最
主要質素好同俾到信心人，一樣會有人幫襯，如果做得唔好的話，減你一半租都一樣做唔住啦，現今社會實在太多人賴得就賴，失敗了就祗
管怨天怨地，自己可否會檢討下？唔好意思，青蛙仔都曾經信教，所以對於一些戴住宗教假面具的人特別睇唔過眼，因為佢地令人討厭之
外，亦影響了真正全心全意信教的人，破壞永遠都比建設來得容易！
最近有團體發起籌款幫助肺炎死亡人士的家屬，呢個舉動當然值得支持，不過青蛙仔覺得籌款係要出於自願，唔可以勉強老屈，捐多捐少都係出心，唔可以係李生、劉生就一定要捐錢出來，香港唔係共產地方，有錢唔一定要同人對分，所以青蛙仔見班記者屈班高官捐錢，真係好
唔抵得，捐得多又唔想，捐得少或者唔捐就會俾人用文字暗寸，真係難做，其實要做善事幫助人係無須爆響口，在人家未開口已經主動去幫
人的先係有意義，做藝人的要搏宣傳，所以做善事都永遠要高調，付出幾多要得番幾多回報，普通人就唔使下下做大龍鳳啦，幫人想人地過
得好一點，都係低調點好！
今日落到樓下大堂聽到有住客講話附近酒樓終於都要採取措施來應變最近的淡市, 就係暫停晚市營業, 祗做早午市, 聽起來真係有點唏噓, 又唔知有幾多員工慘被開刀, 連鎖反應之下, 真係有好多人過得更艱苦了, 好似最近的卡拉OK生意額大跌, 本來青蛙仔覺得幾心涼, 好似抵佢地死咁, 因為佢地都有今日, 但回心一諗, 佢地唔會死錯人, 祗係稍有唔如意就會對員工不利, 真係好無良, 講真, K場一直都係搵錢的地方, 如果唔係點會可以動輒就千萬千萬咁去買獨家播放的MTV, 之後一樣係轉嫁在消費者身上, 而家祗係三兩個星期唔掂, 即時就話周轉唔來, 要員工放假或者暫停營業, 根本就唔會陪大家共度時艱, 令青蛙仔真係更憎去呢D地方, 就算以後回復正常之後, 都會盡量少去呢d地方了!
朝早起身洗面，本來要剃鬚，但係諗諗下呢幾日都會戴口罩做人，人地都睇唔到自己鬍鬚勒突啦，於是索性費事剃，在生理上來講，雖然女人每個月都有唔方便，其實男人一樣都會有煩惱，青蛙仔算係男性之中的中間類，鬍鬚增長速度祗係一般, 而有些毛髮旺盛的男人，真係朝
早剃完鬚，夜晚已經再生出來，放工之後想話去飲宴，就一定要再剃一次先見得人，都幾煩，而呢一類人雖然好似周身毛，偏偏頭頂就唔爭
氣，好後生就已經有禿頭現象，相反來講，早生白髮的後生仔就唔會有【地中海】的現象，雖然醫學與科學都咁先進，但專家對於人類的毛
髮生長似乎仍然係無進展，所以坊間的一切令人生髮的方法與藥物，都未必可以幫到脫髮的男性，但人生滿希望，可以試的，總會有人去
試，錢係要俾人賺的。
香港電影金像獎在風風雨雨中終於完成頒獎禮，青蛙仔亦在家睇電視睇足全場, 祗見開場之時四大天王出來唱【哥哥】的當年情, 真係險過剃頭, 首先學友一開腔已經唱高了Key, 跟住輪到劉華接唱, 佢諗唔到會唱到咁高, 幾乎接唔上, 要離一離咪用力頂一頂, 可能佢心中都同樣
地講了個頂字, 跟住輪到城城同天濛光, 一樣係接得好辛苦, 到四個一齊唱, 有人又唱錯歌詞, 大家又要夾硬扮哀傷, 但完全唱唔到首歌的
神韻, 令青蛙仔非常失望, 雖然呢個已經係一個難得的組合, 但相信佢地過份自信, 亦各有各忙, 所以都唔會有咩綵排, 如果唔話俾人聽係
四大天王所唱, 真係以為係一般新偶像歌手的唱功, 不過佢地肯齊齊企出來為金像獎做點事, 亦值得嘉許, 大家見到佢地都算唔錯了!
哥哥再見了, 離世後仍然可以有這麼多歌影迷悼念送最後一程, 一生人之中可以發光發熱去感染別人, 其實可以講得係死而無憾, 不許人間見白頭, 李小龍與哥哥永遠都唔會老, 永遠都係神話, 美好的型像永遠都活在歌迷之中, 如果真係有轉世輪迴的話, 十數年後, 希望又會再
有另一位巨星出現吧!
今日想講下戴口罩的話題，自從香港人習慣戴口罩出街之後，世界似乎變得美麗了，一個人的靈魂之窗真係好重要，而家好似少左好多樣衰的人出街，原因係佢地戴左口罩，無人睇到佢地全相，而且因為口罩有條鐵線撐住鼻樑, 人人都變得鼻高高, 連青蛙仔都覺得自己戴口罩個樣好過唔戴，青蛙仔平時見客都會有笑容，唔好意為戴口罩就會吝嗇左，因為其實眼神都可以表達好多野，祗要用眼神都可以表露喜怒哀樂, 青蛙仔仲叫同事戴住口罩來俾表情, 果然從眼神係睇得出佢開心定唔開心呢, 大家又可會因為咁而多留意了朋友的眼睛呢?
今日同事們討論【巨星】去世之後，其同性好朋友以親屬姿態出訃聞及在靈堂打點，世俗人完全接受，覺得理所當然，但如果一個普通人逝世之後，其同性朋友出現做同樣的事情，會否同樣被其他人接受呢？是否因為【巨星】一早已經【事先張揚】，世人已經覺得理所當然，又
是否因為兩位都係翩翩風度的美男子，大家先唔覺得有問題呢？有同事就話好接受呢一對，但如果有其他人又係咁就未必接受，青蛙仔就覺
得佢祗係接受個人而唔係接受件事，而有同事就話其實好核突好想嘔，青蛙仔就覺得佢就過份左，人家的事，又唔係要逼佢同同性一齊，唔
使太激動掛，青蛙仔自己就覺得任何人都可以係咁，祗要係付出真誠的愛，理得人係同性定異性丫，真情真性的人, 總會令人羨慕!
早前公司派了兩款口罩，一款係手術口罩，另一款就係N95，今朝返到公司就試戴下N95，發覺真緊幾鬼緊，上下兩條橡筋箍到好辛苦，於是青蛙仔就將橡筋剪斷，再將佢重新接駁，變成兜耳仔的方式，果然係好好多，但當正式開工之時一開口講野就唔掂檔，除左講得唔大聲之
外，亦焗得緊要，直頭興合合咁，於是拿拿臨要換番個手術口罩先得，真係佩服D人可以用N95用得咁自然。不過話時話，青蛙仔發覺自從戴了口罩之後，好似改善了自己的呼吸系統，以往因為鼻塞而不自覺地用口來呼吸，但戴了口罩就一定用鼻來呼吸，反而有了好處，都算唔錯了！
尋晚嘗試用ICQ send SMS，因為成日聽人話可以，自己就一次都無成功過，但係尋日下午又收到朋友用ICQ send來的SMS，於是又再試一次，今次竟然成功了，於是就繼續send俾唔同的朋友，最開心係竟然連身在越南的朋友都收到，但send去其他地區就暫時未試到，正當興高采烈之時竟然顯示每日用量(大概十次)已滿額，原來係有限的，相信係防止人濫用呢種服務，以後要珍惜同埋好好利用先, 如果大家想試下的話, 請在ICQ click 你朋友個名的SMS message, 揀Hong Kong, 中間的area code唔使打, 之後就打朋友的手電號碼, 記緊唔好刪除你自己個名, 如果唔係, 人地就唔知係你send來了!
肺炎恐慌繼續增加，連醫管局的高層都中招，亦有幾位診所的私家醫生相繼領野，都咪話唔驚，到底空氣會唔會傳染，似乎仲係一個謎，各同事每日都要接觸唔同的市民，而好多市民都成日出出入入大陸，禽流感就話可以殺雞同唔食雞，肺炎又可以點先？邊個可以派定心丸俾大家？夜晚睇埋港台對非典型肺炎病毒的特輯, 更加深了解, 亦加深了憂慮, 青蛙仔在此祝願研究病毒的工作人員可以盡快找到解決方法, 染病的人可以逐漸康復!
鐵路公司都算做件好事，每日預備了兩萬幾個口罩俾乘客免費索取，對減低病毒擴散幫得就幫，話雖如此，相信會有唔少人濫用及唔珍惜，亦為香港製造唔少垃圾，雖然預防係勝於治療，但係當前急務仍然係靠研究員可以搵到配方來對抗病毒，否則真係仲有排驚！
【譚校長】在電台者提及【日本天后】的一番言論似乎都引起了幾大迴響，【日本天后】的唱片公司仲話要追究云云，青蛙仔覺得【譚校長】祗係講出無人敢講的真實情況，雖然呢位天后在香港有唔少fans，但唔代表佢唱歌真係好好，除此之外，青蛙仔亦覺得佢個樣太人工化，【譚校長】確實係講到中曬，不過本來大家同行，可以唔使踩得太盡，但可能【譚校長】曾經同天后同台表演，見識過對方的【態度】，所以在香港自己地方講野都唔使同佢客氣，青蛙仔覺得唱片公司話要保留追究權利，祗係應有的回應，【譚校長】真係未驚過啦，香港言論自由，祗要唔係誹謗，每人都可以講出心裡面的說話，如果要告，【尊奴】周不時都俾人玩啦，大把野要告添呀！不過話時話，香港鍾意天后的人都唔少，佢地都開始在網上指責【譚校長】，話番佢又老又殘、亂講野、甚至唱歌唔好聽、叫佢收皮，後生仔女鬧交就係咁無道理同無理智，總之用最難聽的說話來鬧番人先心涼，但咁樣祗有顯得佢地好幼稚，到佢地長大之後睇番，會唔會都覺得自己好低B呢？
致幪面匪及採花賊，青蛙仔真係佩服你們的頭腦，短期內就諗到混水摸魚配戴口罩去犯案，令當事人難以辦認你的樣貌，如果將呢份天才去貢獻社會，你話幾好呢？所謂善惡到頭終有報，趁亂去犯案的人係唔會有好結果的，希望呢種風氣唔會好似非典型肺炎咁樣傳開去，令香港不斷增加口罩賊就好了, 既然你地咁喜歡戴口罩犯案, 咁青蛙仔祝你地永遠都戴住口罩做人啦！
返到屋企, 老爸第一時間話俾青蛙仔知【哥哥】自殺的消息, 青蛙仔腦裡祗係問點解? 到底有咩事可以令一個人咁決意去結束自己的生命, 別人眼裡看見的風光, 在當事人眼中完全唔係一回事, 感情受創真係會令人生無可戀嗎? 點解唔可以堅強面對, 活得比別人更好呢? 青蛙仔都係佢年代的人, 雖然當年並唔係佢fans, 但都欣賞佢的音樂感, 亦有去睇佢演唱會, 喜歡佢的歌唔太多, 一首【寂寞夜晚】可以唱足了十幾年都唔厭, 愚人節, 四月一日, 實在是一個令人難以忘記的日子, 真係大整蠱, 青蛙仔亦替他的歌迷難過! 他終於都可以與丹尼相會了!
娛樂版報導【魚樂仔】終於忍唔住開口講佢同【紋身女歌手】分手的事，並承認好後悔同佢拍拖, 因為自從分手之後, 不斷有人問佢呢件事, 亦不斷有人將佢當做負心漢云云, 青蛙仔雖然唔太喜歡呢對男女主角, 但睇到男主角咁講, 又覺得件事未必全部係佢錯, 因為佢講及幾件事的可信性都幾高, 例如佢唔想公開戀情, 係因為當時女方已算有點名氣, 又例如女方想買一隻幾千蚊的寵物, 佢問人借都借番來買俾佢, 男
方由拍拖到分手都無講到任何野, 但女方就好似不吐不快, 久不久就出來講下野, 掉下眼淚, 其實青蛙仔覺得一男一女的感情事, 係唔係其
他人睇得咁簡單, 女方喊苦喊忽就代表個男的負心呢? 相信除非係男方刻意要玩對方, 否則大家都應該同樣付出過, 但一旦有問題出現, 世
俗仍然係會覺得男方有錯, 正如當年【奪麵雙琪】事件, 就算雙方點口密, 大多數人都會幫失敗者, 無人會諗到底女方做過咩事會令男方改
變, 今次【魚樂仔】冒住再被人臭罵的危險都要出來講舊事, 青蛙仔反而幾欣賞佢, 繼【尊奴】之後, 青蛙仔會嘗試多留意一下【魚樂仔】
的演出, 希望今次事件之後佢可以繼續少說話, 多做事, 盡快上位, 至於個女的, 你慌佢守得住咩, 唔使幾耐又會有新戀情啦, 無必要同情
佢!
最近愛上了食鴕鳥肉乾粒，因為有同事去完南非旅遊，帶了些食物包括了鴕鳥肉乾粒回來，有同事試過之後覺得好難食，嫌佢硬到似石頭，又無味，但青蛙仔試過又覺得唔差，祗要俾耐性去咀嚼，慢慢會滲出肉味，於是有機會休息都會趙番一粒，而其他同事會奇怪青蛙仔會喜歡
食，於是成包就係青蛙仔獨享之物了，鴕鳥肉係健康食物，總有益過食豬肉乾啦！
娛樂版報導【男版川氏】食【肯德雞】，表面好似係讚賞人地平民化、好親切、無當自己係歌手，唔使人優待，但其實內裡有骨，話人地
cheap，仲影埋佢地肉酸吮骨食相，青蛙仔真係唔抵的D記者咁乞人憎，其實成左名食肯德雞有咩唔妥先，肯德雞不知幾好味，有知名度就無
得食就太可惜了，細心的青蛙仔就諗，今次的報導可能累左佢地，唔係話驚有歌迷等佢地，而係佢地在肯德雞飲的並唔係係佢地做汽水代言
人的牌子，廣告商一向緊張與小器，睇怕佢地都有排煩與解釋，分分鐘同佢地解約都唔定，無冕皇帝們啊，請給他們一點食雞的空間吧！
今日下午有單畸士, 成家人一齊在青蛙仔櫃檯前辦手續, 不過青蛙仔有地方唔明, 於是就叫佢地等候, 自己就離開櫃檯去請教同事, 問完之後返轉頭, 祗見個小朋友用筆畫青蛙仔張墊檯紙, 於是青蛙仔就好平和地問個小朋友點解要畫花張紙, 點知佢個老豆竟然一點唔好意思都無,
仲要話係呀, 因為見隔離檯都係咁俾人畫花, 所以由得佢畫, 真係俾佢吹到啤一聲, 竟然可以咁樣教女, 真係頂佢丫, 於是, 青蛙仔都唔理
佢係客人, 爆左句, 唔係人做佢就可以去做架, 唔通人地去打劫, 你又俾個女去打劫咩, 呢個時候個男人先有少少唔好意思, 不過都無講對
唔住, 祗係笑下就算, 大家話丫, 如果唔係好好地去教子女, 點解仲要去生仔來遺害社會呢?
隔住窗望出去，見到有對母女，阿媽大概三十幾，個女就四五歲，祗見阿媽拎住個透明膠樽，內裡裝住鹹濕零食，食得津津有味，跟住就拎了少許出來遞向阿女咀前，點知阿女面容扭曲擰曬頭表示無興趣，但阿媽繼續游說，隱約聽到話食左就無咁口渴，但個女仍然緊閉咀唇，跟
住阿媽再叫佢舔下先，阿女再避，阿媽盡最後努力再遞多次，阿女寧死不屈，結果阿媽好晦氣地將塊垃圾放入自己個口，跟住又好晦氣地收
埋樽野入袋，青蛙仔覺得好有趣，夾硬要個女食零食，可能個阿媽真係覺得好好食，但無奈阿女唔欣賞都無得講!
去到地利店買報紙竟然見到有口罩賣，十八蚊一個，兩個三十蚊，真係有生意眼，實會有師奶們恐慌兼貪得意購買，店員都有向青蛙仔推
銷，不過青蛙仔買完報紙就走了，總係覺得戴住口罩出街反而會令人懷疑，到底係自己有事定係驚人傳染，所以青蛙仔都係唔敢走近戴口罩
的人，都係穩陣D好！打開份報紙，竟然全疊20版都係講美伊戰爭，真係好悶，不過港聞都唔好得去邊，肺炎病迅速擴散，連入境處都有主任中招，雖未致於恐慌及人心惶惶，但都夠大家擔心了, 所以今日大家在公司都盡量打開窗, 俾空氣流通一點, 務求工作的安心!
尋晚睇Living With Michael Jackson, 佢解釋同小朋友一齊係一件美好的事, 又唔係做壞事, 點解D人要咁睇佢, 撇開佢有無攪過D細路先, 某程度上佢都講得無錯, 點解人地一定要對一件純情的事睇得咁醜惡, 會唔會佢心裡首先就有呢樣野存在, 先會咁諗人地呢? 特輯內影住個十二歲由癌病康復的小童, 與積遜手握手, 依偎在佢膊頭上, 祗係一對大人與小孩好有感情的畫面, 而個小孩亦非常維護積遜, 完全唔覺得有問題, 旁人又點解要諸多猜測呢?
睇報紙話有佛教代表投訴最近佐仔推出的T-恤印有成套心經, 佢地話咁樣係對佛不敬, 仲話越來越多衫都印有佛經佛像, 恐變成風氣而越來越多人褻瀆神靈, 講真青蛙仔唔知個位係咩佛教代表, 祗係覺得佢道行似未唔夠高深, 點可以因為咁小事而動氣出來投訴呢? 需知道佛祖的
氣量有幾寬宏先得架, 點可以人地印心經在件衫度就唔鍾意架, 成日都覺得, 點解咁多信佛的人唔好好地修練, 係都要出來憤世嫉俗, 自暴
其短, 唔該, 閉關修練多幾年啦, 明白了真諦之後, 塵世間一切都祗係過眼雲煙咋!
尋晚有兩位朋友都提起【隨緣】呢樣野，青蛙仔醒起在網上睇過篇文章，今日轉貼同大家分享。
【隨緣】
就是不攀緣。有，很好; 沒有，也沒有關係。
就是不貪心。該屬於你的，跑也跑不掉; 不是屬於你的，求也求不得。
就是善於忘記人我是非。
就是勉強自己做該做而又不想做的事情。
就是不要做自己想做而又不該做的事情。
就是知道凡事皆是因果關係。不快樂！因有不快樂的原因; 快樂！因為有快樂的原因！但無論如何，原因總是會改變的，苦與樂總是變幻不定，不必在意。
就是時時感到滿足。多一點，很好; 太多了，送給人，少了一些，將就一下也無妨。
就是凡事盡本分。
就是記取經驗，不讓同一塊石頭絆倒第二次。
就是隨遇而安，創造環境，而非選擇環境。
就是沒有多餘的留戀，該離別時就離別。
就是接受一切不愉快的意外。
就是不快樂的事情發生了，淡然處之。
不是隨便，不是盲目，不是偷懶的代名詞，更不是不長進，站著不動。
是一種智慧，一種積極的把握
今日係打小人的好日子，相信有唔少【善男信女】會去橋底搵阿姑打小人，拎隻白虎出來咬人, 仲準備埋肥豬肉，務求自己過得順順利利，青蛙仔就諗，其實係有咩神去主管今日的事宜呢？係唔係總之求其寫個名去打人地就會靈驗呢？如果係屈得就屈，亂打一通，唔知會唔會倒轉報應番自己度呢？如果唔係咁，董伯伯同葉太仲唔一早俾人打殘咩！
睇報紙見到一單新聞, 有一男子在街上拾獲一張二萬元的支票, 抬頭當然係屬於他人, 但該男子竟然諗到去入境處改同支票上的名字一樣的名, 然後就去銀行開戶口, 再將支票存入, 最後因為唔見支票的當事人報警, 警方調查之後揭發此事, 將該名男子拘捕, 青蛙仔覺得呢個男
人真係聰明笨伯, 世界上邊有咁容易的事, 俾你去改名來兌換金錢, 真係抵佢坐監, 呢個世界邊有咁容易的事呀!
今日係青蛙仔的世界四歲生日, 睇一睇主頁個統計器, 原來瀏覽人次已經剛好過了七萬, 好多謝呢四年來唔少朋友的關心與支持, 一直與青蛙仔的世界一齊成長, 其實青蛙仔都講過好多次, 呢個網頁之所以可以面世, 全靠一位朋友, 無佢根本唔會有青蛙仔, 青蛙仔永遠都會多謝
佢, 其實網頁成立初期, 青蛙仔真係好緊張有幾多訪客來過, 所以幾乎日日都會搵新事物來更新, 甚至度度去宣傳, 又在icq度搵多些朋友來
睇, 但漸漸就明白到, 呢樣野係唔可以逼到人, 祗要係你朋友的話, 你唔叫佢, 佢自己都會久不久來探青蛙仔, 於是漸漸就無咁熱心去更新,
其實唔使太完美丫, 祗要青蛙日記每日都有更新就可以了, 今日四周年, 適逢係星期日, 可以在家休息一下, 挺舒服的!
娛樂版報導【安仔】自爆新年唔記得打電話向【梅姐】拜年，到年初五收到【梅姐】的追魂call，問佢係咪想開年，於是連夜急急上【梅
姐】屋企斟茶、甚至跪地拜年云云，青蛙仔睇完除左得啖笑之外亦諗到少少野，就係覺得【安仔】已經大個仔，有毛有翼就唔記得人了，新
年流流人人都講恭喜發財，起碼都要同心目中有份量的人講聲先得安樂，邊會咁易唔記得呀？話雖如此，大頭蝦同無心肝又唔代表對人唔
好，因此一收到追魂call就急急補鑊，但又會唔會係唔想得罪呢個人，既然人家打到電話來，好好醜醜都要做場戲，日後好相見呢？另一方
面，青蛙仔又佩服【梅姐】的地位與自信，諗住人地一定會同佢拜年，但其實佢相識滿天下，唔通年初一就拎住電話在手等人打來？一個人
十隻手指有長短，唔通會記住無關重要的人有無打來？心目中總有幾個特別器重的人係想佢主動打來的，等下一日，等下又一日，仲未見某
人，唯有自己死死氣打去，但又不失威嚴，所以點都要扮惡問人地係咪想開年，實在係俾對方一個下台階，不過其實都幾冒險架，萬一對方
真係唔俾面，祗係敷衍了事話好忙，遲D搵你飲茶之類的說話，都幾無癮。其實青蛙仔都曾經有如此無癮的經驗，終於明白【面就人地俾，架
就自己丟】的道理，當你唔係某人邊個的時候，千祈唔好過份托大呢！
晚上洗碗的時候將鑊蓋同煲蓋調亂了來洗, 洗完之後竟然唔知邊個歸邊度, 雖然兩個蓋的size係一樣, 其實蓋頭係有唔同, 但原來青蛙仔一向都無留意到佢地有分別, 青蛙仔一向俾人覺得係幾細心的, 但今晚竟然燒鬚了, 原來咁簡單一樣野, 青蛙仔平時根本無留意, 眾裡尋她千
百度, 原來係真的, 在營營役役的人生裡, 大家係唔係應該久不久抽身而出, 細心睇一睇身邊的事和物呢? 好似煲蓋呢件雖然係小事, 但青
蛙仔總係唔太安樂, 因為求其將佢地配合就好似錯點鴛鴦咁, 真係唔安樂, 若然係一件大事, 你話點算?
坐巴士返屋企見到【路秀】播放【尊奴】的演唱會片段, 雖然聽得唔真, 但見佢真係幾落力喎, 好多人都話佢醜樣兼矮仔, 企埋【魚樂仔】隔離真係差一截, 不過青蛙仔覺得歌手在舞台上真係唔使太高大, 祗要跳舞跳得好, 完全唔係問題, 況且佢似乎係未發育完成, 應該仲會有
機會再高大少少, 歌藝方面, 肯努力的話一定實會有進步, 至於樣貌根本唔算大問題, 人紅就會靚起上來, 台灣的【趙完】, 曾經醉酒鬧事
的【鄭窿機】, 甚至傻大姐【楊小姐】, 佢地好靚咩? 而家唯一障礙係果班憎人富貴厭人窮的人, 如果呢班人唔再多多聲氣的話, 佢應該伯
起得更快, 但係咁樣都未必唔係好事, 因為有錢仔如果少年得志, 得來太易的話, 佢係唔會珍惜, 而家咁樣磨練一下佢, 第日就會成大將了!
今日係情人節正日，青蛙仔祝大家情人節快樂，甜甜蜜蜜，人人無煩惱！
晚上睇三色台播放【家燕姐】的特輯, 青蛙仔好認真的去欣賞, 非常佩服呢位藝人, 由婚姻失財, 到經濟困境, 加入真情到大紅大紫, 雖然未必得到年輕人的支持, 但無可否認佢非常堅強, 再加點運氣, 先可以有今時今日的地位, 原來幾年之間越忙越發福, 時間就是金錢, 一日
廿四小時都未必夠用來搵錢, 佢自己亦解釋, 今時今日的風光, 未必代表以後都一樣, 所以一定要用盡時間在風光之年去做野, 最難得係以
佢今時今日的地位, 明知個幾個男人都係想黐佢金糠先會認佢做契姐, 但佢仍然係對佢地咁好, 幫埋佢地搵show, 有錢齊齊搵, 青蛙仔真係
衷心希望呢班細佬可以永永遠遠都對【家燕姐】咁好, 唔好得把口, 家姐細佬其實唔應該係玩玩下, 更何況佢地好似係正式上契的呢!
打開份報紙好似好多野想講，先講下娛樂版報導最近演弱智少女而演技大躍進的過氣港姐，佢同記者講話近日佢在高速公路駕車，點知因為無油而死火，落車之後險象橫生，電話又剛好夠電打九九九報警云云，本來都係好平常，衰在佢越講越興奮，竟然話班差人幫佢封了幾條
線，而且仲同佢影相留念，背景係路障同埋警車，咁大個女都未試過，青蛙仔覺得如果呢單料係真的而有警察部的高層睇到的話，呢班差人
都有排解畫，因為內部會有人剪埋報開埋file叫呢班執行職務時叫藝員影相的差人的上司解釋，呢位弱智港姐係就係好開心，但好有可能令
成班差人都受紀律處分，真係祝佢地好運！
最近幾日朝早都睇到一個N字電飯煲廣告，係一件有趣的新穎產品，除左煲飯之外，仲可以用來焗蛋糕，睇見佢就容易，倒盆蛋漿入煲，一陣就有蛋糕出來，不過青蛙仔就興趣不大，反而最欣賞最尾一個鏡頭，始終件產品都係電飯煲，於是幾位靚女要圍埋一齊食飯，位位都捧住一
大碗好似太空館咁高聳入雲的白飯，仲要作曬表情話用來煲飯都好好食, 但青蛙仔諗, 如果真係食曬碗飯就肯定飽到上心口，如果一個男仔
見到自己個女朋友開胃成咁，唔知有咩感想呢？呢幾個女仔拍完呢個廣告之後, 會唔會成世都唔食飯呢?
晚上睇三色台幫劉華賀歲片宣傳的特輯, 雖然擺明係宣傳賀歲片, 但拍得佢好自然好後生, 青蛙仔除左嫌佢瘦得滯之外, 真係要套用秋生兩句說話, 老而彌堅同邊有人靚得咁緊要, 佢明明大過青蛙仔, 而且日捱夜捱, 點解可以好樣得咁緊要? 到最後佢話佢無野可以教人, 但可以
教人努力, 無錯, 一位藝人如果唔識努力就唔使望可以上位, 佢多年來的努力真係有目共睹, 咁樣真係先可以稱得上今生無悔!
今日係大年初一, 青蛙仔祝大家萬事如意, 大吉大利, 心想事成, 身體健康!
今朝在樓下間七仔門口見到十個八個細路，最細睇來得十二三歲，最大都唔知成年未，頭頂五顏六色，似乎在等候緊某樣野，青蛙仔望佢地一眼之後就行過，之後在背後聽到佢地好大聲叫【X哥】，青蛙仔下意識回頭一望，見到個其貌不揚的中年鬍鬚佬，拖住個三兩歲大的小朋
友，跟住就帶住成班細路去搭的士，青蛙仔就諗，到底阿乜哥係咩人，會有班咁不成氣候、乳臭未乾的小子跟住，而班細路跟住呢位阿哥又
有咩好處呢？本來有班人跟住自己係幾威，但都要睇下班手下係咩人，個個著整齊西裝、高大威猛、聲如洪鐘地一齊叫聲【X哥】都幾威架，
換轉係呢班黃毛仔叫【X哥】，其實都幾好笑；另外如果真係要跟人都要跟個有份量的人啦，如果跟個住家男人咁，會唔會俾同輩笑架？
晚上睇三色台的頒獎典禮, 無論有無造馬都好啦, 大台即係大台, 攪得真係幾出色, 班歌星亦任由擺佈, 不過三個主持仍然係唔夠默契, 好似成日都準備不足, 係美中不足之處, 唔知點解好多時的頒獎禮都會有人唔識讀中文字, 今次矮仔竟然將黑人首歌讀成愛不擇手, 唔係咁差下話, 真係水準低, 亦顯示佢根本聽都未聽過首歌名, 跟住到慧嫻頒新人獎, 竟然將翻版鄭秀文讀成趙松如, 真係oh my god, 雖然後來佢更正番, 但都真係唔掂檔!
今日有同事生日，於是成班文員就去飲茶，羅漢請觀音，不過青蛙仔唔係咁贊成呢種傳統，因為通常飲完茶之後，主角就會請番大家下午茶或者食餅，個費用當然係貴過自己俾錢飲茶，人地係主角仲要人破費，青蛙仔真係唔想，不過通常寫字樓傳統係咁，都無計, 今次呢位同事
就買左一箱好特別的生果分俾大家, 價錢要成二百幾蚊, 青蛙仔見就見得多, 食就未食過, 形狀類似甜椒, 不過佢就長身少少, 顏色棗紅,
光滑皮, 名叫蓮慕, 青蛙仔分左兩個唔捨得食, 帶了返屋企同兩老分享!
今日想同大家講下【擒蟧瀨尿】呢樣野，可能後生一輩唔知係咩，但如果講胞疹一型、唇瘡甚至爛咀角，大家都可能曾經試過，其實呢幾個名稱都係同一類野，一旦患上就會終生受用無窮，因為佢係唔會斷尾，就算好番都會久不久復發，亦無得預防，雖然唔係咩大病，但就討厭
非常，亦有礙觀瞻；細個時聽大人講，夜晚訓覺俾擒蟧瀨尿在唇咀，所以第二朝就會起水泡，當時都幾驚亦痛恨呢隻野，青蛙仔細個就已經
體弱多病，抵抗力自然弱過人，記得在小學時曾經有次擒蟧瀨尿歷久不衰，睇左好耐醫生，困擾左好耐先好得番，之後唇下有個疤印要好耐
好耐先轉淡，此後有時好耐先復發一次，亦唔算太嚴重，祗要注意清潔，可能幾日就結焦消失，而近十年八載俾青蛙仔發現一樣野對付初起
的爛咀，雖然唔可以根治斷尾，但可以減輕痛苦同加速凋謝，都算唔錯了，方法好簡單，一發現唇邊有任何蛛絲螞跡的話，即時用李字牌漱
口水搽患處，濕住佢幾分鐘然後沖番乾淨，抹乾之後搽白花油，有時間的話一日做幾次，好快就會無事，如果大家都有呢樣困擾而又有其他
好方法的話，不妨提出來同大家分享，青蛙仔尋晚臨訓前發現有少少復發跡象，非常咁緊張，打唔到茄倫好唔方便架嘛，一定要同佢死過！
今朝又有個中年男人來搵老婆，都唔係第一次見了，香港男人北上娶妻，攪掂手續落來，辦好身份證之後即時起飛腳走佬，個男人就要周度刮個女人，其實有時真係應該自量下，自己到底有咩可以吸引內地的女仔嫁俾你，有時年齡仲差一大截，六七十歲的香港男人娶內地的三十
來歲女人，仲要生埋仔，呢種絕對唔會係幸福，個男人直頭係無陰公兼自私，臨老入花叢，開枝散葉之後兩腳一伸，咩都唔使諗就以為有人
幫佢攪後事，你估而家D女人係咪真係咁長情同咁蠢呢？老婆走佬都唔會有人同情，仲可能俾人話抵死添呀，所以，唔該幫幫忙，唔好叫青蛙
仔返大陸娶老婆！
已經連續兩日有青年因為打咩【破壞神】而發生事故，一死一送院，青蛙仔真係對打機無興趣，唔會明白當事人可以打十幾個鐘打到戰死沙場的樂趣，祗係覺得凡事都應該適可而止，尤其而家年紀越來越大，做任何野都唔可能再同身體作對，搵條命來較飛，都係留俾後生去做
啦！
娛樂圈無永遠的敵人, 娛樂版又俾兩位【後生無間道】搶風頭, 繼十日前碰撞講粗口之後, 尋日來個和氣收場, 攬頭攪髻拖手言和, 記者們求仁得仁, 想要乜佢地就俾乜記者睇, 睇怕兩位後生都可以角逐下屆最佳男主角, 呢D演技肯定可以演得好【無間道前傳】, 話唔埋兩位的
FANS仲可以來個大聯盟, 聲勢可以更浩大, 不過青蛙仔睇完呢篇報導之後, 真係服得班記者好緊要, 兩位在台上糖黐豆咁俾佢地影相, 影完
之後落台就梗係各自返埋位啦, 咁樣都有得話佢地落台就唔望對方各有各, 你估真係拜堂成親咩, 就算係要好朋友都唔一定要時刻望住對方
掛, 係都要挑撥一下先安樂, 真係唔得佢死!
娛樂版報導柏芝承認錯愛某人，青蛙仔唔係想評論誰對誰錯，祗係想講，其實好多人一生都會有機會錯愛了別人，唔一定係情侶，其實親人、朋友、同事、上司下屬，甚至工作夥伴都有可能，最常見的說話會有：【我識錯你了！】、【我真係睇錯你！】、【估唔到你係咁！】又
或者係【你個反骨仔！】，通常都係錯愛對方而作出控訴，但係肯出口鬧對方的話，應該仲係有彎轉，對方肯回頭是岸，仲係會有商量的餘
地，但對方仍然係冥頑不靈的話，所謂【哀莫大於心死】，決定放棄之後會忽然覺得海闊天空，從前的一切都好愚蠢，以前一切一切都會好
包容，任何缺點都唔會睇到，但當真正心死的時候，對方的一舉一動都會覺得討厭，而且仲會責憊自己點解以前可以咁對人，真奇怪！(以上
祗係青蛙仔的意見，並不代表大家的心聲，敬請留意！)
今朝有一男一女坐在青蛙仔面前，男的大概四五十歲，女的似乎係十八歲，但二人的舉動親熱，女的有時伏在男的膊頭、有時又佻皮地打下個男的、男的又會搭女的膊頭、又會主動撫摸女的手指兼將手放在大脾上，青蛙仔都幾好奇佢地的關係，到底係父女定男女朋友，但到最後
都證實唔到，其實而家的父女關係會唔會真係咁好架？
今日係冬至, 正所謂冬大過年, 青蛙仔在此同大家講幾句祝福語, 祝大家冬節快樂, 身體健康, 心想事成!
自從元朗的孌童淫魔落網之後，報紙就趁熱有專題報導，原來外國的條例都幾嚴謹，有學生聚會時，家長祗可以影自己仔女，如果要攝其他人入鏡的話，要得對方家長同意，原因係避免孌童癖收集兒童照片，聖誕節快到，聖誕老人亦收到指引，唔可以主動對兒童有親熱舉動，例
如親吻或者抱佢地坐膝頭都唔可以，青蛙仔覺得班衰人真係累街坊，聖誕老人就話係工作，唔掂班小朋友都無所謂，小朋友聯歡要班家長就
住就住就無癮啦，另外，孌童癖犯放監之後仍然要帶住接收器，要俾政府知佢去向，可能知佢地心理有問題，就算坐完出來佢地都一樣會繼
續犯案，唔可以長時期困住佢地，真係可悲！
睇新聞話今朝係入冬以來最凍的一日，加上有微雨，真係幾凍，上到巴士就焗得緊要，車廂的玻璃全部係水氣，可能司機都怕凍，連空調都唔開，成程車都係互相呼吸住大家的氣，中國人果真同氣連枝！
睇見娛樂版真係好好笑，班所謂樂迷除左不停叫造馬之外，仲互罵對方的偶像，覺得佢地真係幼稚，其實龍哥仔都講幾次啦，【個獎已經在我手上，唔使驚】，你話佢造馬又如何，用粗口鬧其他歌手都唔一定可以抬起自己偶像，不如幫自己偶像做多點有意義的事啦，至於班職業
樂迷就更慘，為左賺錢違背良心，但又幾有職業道德，貫徹始終，追捧到底，但係唔知當中辱罵人【老餅】之時，會唔會其實係忍辱負重，
含淚賺對頭人的錢來買【老餅】的CD、睇【老餅】的戲同演唱會呢？哈！
今日係2003年的第一天, 先同大家拜個年, 祝大家新年快樂, 開心健康, 事事順利, 願望成真!
最近唔少朋友都有2002年的回顧, 其實青蛙仔都無乜特別要回顧, 因為年年都係朋友如走馬燈, 來了又去, 去了又來, 當然亦有些係越來越鞏固, 而自己的身體都係常常有小毛病, 往往都無一日係完全舒舒服服, 總之唔好有大病已經算唔錯了, 另外自己的工作都唔算得係事業,
祗係有份工有糧出個隻, 調了入元朗分處之後, 雖然工作得唔算太開心, 但因為太方便的關係, 所以都無計較咁多, 默默地做一日出一日糧,
比上不足, 比下有餘, 知足者, 貧亦樂, 青蛙仔一向除左對六合彩要心頭高之外, 其餘都係得過且過就算, 隨著時日增長, 可能要求會降得
更低, 識青蛙仔耐都可能聽過青蛙仔一句: 是但啦!
唔知大家有無留意, 最近有位行動不便的譚婆婆俾佢個仔推佢出來行乞搵錢, 本來青蛙仔睇完就算, 呢個世界的衰人多的是, 既然社署想幫婆婆, 婆婆都唔領情, 仲幫住個仔, 佢願打願捱, 旁人真係無計, 不過個男人好似隔人就見報, 睇到青蛙仔都忍唔住要講下佢, 其實而家通
曬天, 婆婆出來行乞的話都會有警察請走佢, 因為行乞根本就係犯法, 而且大家都睇唔過眼呢件事, 相信都會忍住手唔俾錢婆婆, 寧願俾食
物佢, 好過俾個衰人去大魚大肉飲酒, 不過青蛙仔有另一種想法, 又係關連到討債還債呢回事, 會唔會婆婆的前世欠了呢個男人好多野, 今
世就要來還債俾佢, 生左佢不特止, 仲要養大佢, 之後仲要俾佢推出來行乞, 榨乾榨淨先還得清, 此後互不相欠, 灰飛煙滅, 重新做人, 狗
雞, 甚至昆蟲, 係唔係好玄呢?
今朝返到公司樓下嚇一跳，條隊排到亂曬龍，又鬼咁多細路仔走來走去，心諗仲有成半粒鐘先開門，一陣唔知亂成點了，後來聽班同事講，個班人可能祗係去旅行等上車，應該唔係來辦證的，咁先鬆一口氣，細路哥有時確係幾可愛，但係當成班一齊完全失控之時，佢地就會變成
小魔怪，討厭兼恐怖，幾十年前紅衛兵時代，班細路哥被洗腦，不要爸爸不要媽媽的教育, 連父母都批鬥，聽見都得人驚！
最近【校長】有新歌面世，打正旗號為記念一代歌聖而作，歌詞內容都係歌聖曾經唱過的歌，咩【獅子山】、【紅棉】，【幾許風雨】等
等，明眼人都知係綽頭多過記念啦，雖然【校長】在樂壇仍有影響力，但唱片唔再係賣座保證，唯有出此【高招】來搏播放率，青蛙仔覺得
都唔係壞事，起碼有首好歌俾樂迷去K度唱下，緬懷一番都算唔錯了，而且青蛙仔相信【校長】在明年一定會反彈，再標多一次會，因為佢好
快就會同【黑人】一齊開世界性巡迴的【左麟右李】演唱會，睇怕到時又會豬籠入水，財源滾滾來，呢D就係在樂壇努力咁耐的優勢，新偶像
要羨慕都羨慕唔來, 唯有努力啦!
娛樂版報導沙麗開小型演唱會, 邀請貌似秀文的新人同佢合唱一曲, 新人驚到走音兼腳軟, 事後記者訪問佢, 佢就話最近好忙, 無時間練歌, 首歌難度又高, 所以唱得唔好, 青蛙仔就奇怪呢位新人有咩咁忙, 忙得過沙麗要準備呢個show? 祗係唱半首歌都走音, 仲要懶三懶四, 你估真係似秀文就一定紅咩, 俾個機會你出下大場面都唔練好d, 咁真係唔知咩情形先有時間練了, 少壯不努力, 老大徒傷悲, 哈哈!
今朝睇新聞，德國有名食人狂魔，竟然在網上搵人俾佢殺食，又真係會有人去應徵，仲同意拍埋影帶同埋俾佢切下體來一同分食，警方就根據網上的資料搵到個食人狂將佢拘捕，呢單案如果係小說同電影橋段的話，大家可能會話邊有可能，但事實就係發生了，世界之大真係無奇
不有。
今日都幾有假期情緒，因為都好耐無睇戲，晚上左好幾位朋友一齊睇【無間道】，套戲唔講得上話超級好睇, 但相信已經夠令大家滿意了, 反而青蛙仔真係對佢期望同埋要求都高, 總係會諗下其實應該點先會拍得好D, 例如陳冠希做藍帽子之時, 點解唔認真D整番黑D頭髮, 又或者可唔可以拍得華仔同偉仔好樣少少, 主題曲又可唔可以早D播出來, 不過用五十蚊可以睇四位影帝大鬥演技, 都值回票價啦, 青蛙仔唔打算講任何劇情, 因為相信好多朋友都會捨得拎錢出來睇, 在此亦呼籲大家唔好睇老翻啦, 俾幾十蚊入戲院睇啦唔該!
晚上睇電視做勁歌季選, 又係一場遊戲, 獎項多到眼花花, 三位主持無默契, 都唔知做緊乜咁, 醫神似乎有病, 把聲沙左, 一開聲已經走音, 新人的歌曲好多都聽唔入耳, 歌藝平平無奇, 尤其一位似某天后的女新人直頭可以講得話係差勁, 完全搵唔到個key, 班fans照例因為自己咁愚蠢去捧呢D人而避鏡頭, 真係樂壇淪埳!
估唔到電視紅小生單交通意外係咁大鑊，今次有兩部車一齊俾佢炒到，佢都可以逃離現場，青蛙仔就覺得嚴重過阿四個仔單畸士，不過佢形象比較正派，可能好多人同情佢都唔定，不過青蛙仔想講的唔係件意外，而係報紙話佢卅九歲係唔正確，青蛙仔好肯定佢當年參加新秀時已
經大過青蛙仔，而青蛙仔都就快四十一啦，佢應該四十有二先係，保養得幾好吧？
今晚去睇【英雄】, 一開場已經覺得好有氣勢, 套戲的故事非常簡單, 但除此之外, 一切都唔簡單, 雖然呢場的入座率可能唔夠八成, 但青蛙仔覺得【英雄】比起【無間道】的層次高好多, 製作認真-每一件物件都真係回到秦朝一樣, 氣勢磅薄-淨係睇箭雨的特技都嚇呆了, 武打場面-程小東仍然係好掂, 原來張曼玉都打得架咩? 美指及攝影都盡善盡美-每一分場都同唔同顏色去交代, 演員出色-雖然個個都笑容欠奉, 但位位都咁有型, 雖然青蛙仔唔太喜歡李連杰, 但佢今次除左天生係樣唔好係無得醫之外, 相信都做到了導演要求, 梁朝偉原來有鬚有好過無鬚, 不過如果佢可以自己講番對白就仲好, 張曼玉完全以真樣示人, 無懼與章子怡比拚, 章子怡果然係丫環格, 唔做下人都唔知應該做咩好, 甄子丹的身手確係好好, 而陳道明的秦皇係幾有皇者風範, 音響效果勁正, 不過音樂就似乎走唔出臥虎藏龍的框框, 有熟口熟面的感覺, 散場之後青蛙仔都唔捨得走, 聽曬成首王菲唱的主題曲先起身, 不過第一次聽似乎就無李玟的月光愛人咁感動, 話唔定聽多幾次就入耳都唔定, 總括來講真係一部出色的電影, 但又未必係咁大路有咁多人接受, 因為始終都係【無間道】比較商業化, 但如果要俾鬼佬睇就梗係【英雄】啦!
